ലഖ്‌നൗ: സുരക്ഷാ ഭീഷണിയെതുടര്‍ന്ന് രാജ്യത്തെ പ്രധാനപ്പെട്ട വിമാനത്താവളങ്ങള്‍ക്ക് സുരക്ഷ വര്‍ധിപ്പിച്ചു. ലഖ്‌നൗ വിമാനത്താവളത്തിലാണ് സുരക്ഷാ ഭീഷണി സംബന്ധിച്ച സന്ദേശം ലഭിച്ചത്. ഇതേ തുടര്‍ന്ന് ഈ മാസം 24 വരെ രാജ്യത്തെ 59 വിമാനത്താവളങ്ങളുടെ സുരക്ഷ വര്‍ധിപ്പിച്ചിട്ടുണ്ട്. ഒരു യാത്രക്കാരന്‍ സ്‌ഫോടക വസ്തുക്കളുമായി യാത്രക്കെത്തുമെന്ന സന്ദേശമാണ് ലഖ്‌നൗ വിമാനത്താവളത്തില്‍ ലഭിച്ചത്. ഒമാന്‍ എയറിന്റെ ഓഫിസിലാണ് സന്ദേശം ലഭിച്ചതെന്ന് സി.ഐ.എസ്.എഫ് അറിയിച്ചു. ഇതേ സന്ദേശം ഹൈദരാബാദ് ഓഫിസിലും ലഭിച്ചിട്ടുണ്ടെന്നും ഒമാന്‍ എയര്‍ അറിയിച്ചു.