സിയൂള്‍: ദക്ഷിണകൊറിയയിലേക്ക് കടക്കാന്‍ വീണ്ടും ഉത്തരകൊറിയന്‍ സൈനികന്റെ ശ്രമം. ഉത്തരകൊറിയന്‍ സൈനികന്‍ അതിര്‍ത്തി കടന്നെത്തിയതായി ദക്ഷിണകൊറിയയാണ് അറിയിച്ചത്. താഴ്ന്ന റാങ്കിലുള്ള സൈനികനാണ് അതിര്‍ത്തി കടന്നെത്തിയതായി ദക്ഷിണകൊറിയ പറയുന്നത്.
രണ്ടു രാജ്യങ്ങളെയും വേര്‍തിരിക്കുന്ന സൈനിക നിരീക്ഷണം ശക്തമായ മേഖലയിലൂടെയാണ് സൈനികന്‍ അതിര്‍ത്തി കടന്നെത്തിയിരിക്കുന്നത്. ഏകദേശം 20 വയസുണ്ട്, കൈയില്‍ തോക്കുണ്ട്. രാവിലെ എട്ടു മണിക്ക് കനത്ത മഞ്ഞുമൂടിയ സമയത്താണ് അതിര്‍ത്തി കടന്നിരിക്കുന്നതെന്നും സൈന്യം പറയുന്നു. രണ്ടുമാസത്തിനിടെ രണ്ടാംതവണയാണ് ഉത്തരകൊറിയന്‍ സൈനികര്‍ അതിര്‍ത്തി കടക്കുന്നത്.