പയ്യോളി: ഇരിങ്ങല്‍ ക്രാഫ്റ്റ് വില്ലേജില്‍ ആരംഭിച്ച സര്‍ഗാലയ രാജ്യാന്തര കലാ-കരകൗശല മേളയ്‌ക്കെത്തിയ ഉഗാണ്ടന്‍ കലാകാരന്മാര്‍ കരവിരുതില്‍ വിസ്മയവുമായി ശ്രദ്ധേയമാകുന്നു. ഉഗാണ്ട കമ്പാല സിറ്റിയില്‍ നിന്നുള്ള അലിന്റ ജോസ്‌ലിന്‍, മറിയം നാന്‍ടാവുല, ഹാദിജ നഗായി, ജോസഫ് വാലു സിബി എന്നീ കരകൗശല വിദഗ്ധര്‍ രണ്ടാം തവണയാണ് സര്‍ഗലയില്‍ എത്തുന്നത്.

ഉഗാണ്ടന്‍ മരങ്ങളില്‍ തീര്‍ത്ത ശില്‍പങ്ങള്‍ മനം കവരുന്നവയാണ്. ചുമര്‍ ചിത്രങ്ങള്‍, തുണിയിലെ കൊത്തുപണികള്‍, വിവിധ മരങ്ങള്‍ കൊണ്ടുള്ള പ്ലേറ്റുകള്‍, വിലപിടിച്ച മുത്തു മാലകള്‍, മണി പഴ്‌സ്, കളിപ്പാട്ടങ്ങള്‍ തുടങ്ങിയവയാണ് ഇവര്‍ ഒരുക്കിയത്.