കോഴിക്കോട്: പുതിയങ്ങാടി വരക്കല്‍ മഖാമില്‍ നടക്കുന്ന ശംസുല്‍ ഉലമാ 22 ാം ഉറൂസിന് നാളെ പരിസമാപ്തി കുറിക്കും. ഉറൂസിനോടനുബന്ധിച്ചുള്ള മതപ്രഭാഷണം ഇന്ന് രാത്രി പാണക്കാട് സയ്യിദ് ബശീറലി ശിഹാബ് തങ്ങള്‍ ഉദ്ഘാടനം ചെയ്യും. സി.കെ.എം സ്വാദിഖ് മുസ്‌ലിയാര്‍ അധ്യക്ഷനാകും. എ.എം നൗഷാദ് ബാഖവി ചിറയിന്‍കീഴ് പ്രഭാഷണം നടത്തും. മാണിക്കോത്ത് മമ്മുഹാജി ഒഞ്ചിയം സമ്മാനദാനം നിര്‍വഹിക്കും. കെ.കെ.പി അബ്ദുല്ല മുസ്‌ലിയാര്‍ പാലത്തുംകര, മോയിന്‍ കുട്ടി മാസ്റ്റര്‍, പൂമുള്ളകണ്ടി കുഞ്ഞമ്മദ് ഹാജി തുടങ്ങിയവര്‍ സംബന്ധിക്കും.
നാളെ രാവിലെ ഒന്‍പതിന് നടക്കുന്ന ഖത്മുല്‍ ഖുര്‍ആന്‍ സമാപന സമ്മേളനം പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. സമസ്ത ജന. സെക്രട്ടറി പ്രൊഫ.കെ. ആലിക്കുട്ടി മുസ്‌ലിയാര്‍ അധ്യക്ഷനാകും. മൗലാനാ മൂസക്കുട്ടി ഹസ്രത്ത് മുഖ്യപ്രഭാഷണം നടത്തും. സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍, കെ.പി.സി തങ്ങള്‍ വല്ലപ്പുഴ, എം.ടി അബ്ദുല്ല മുസ്‌ലിയാര്‍, പി.കെ.പി അബ്ദുസ്സലാം മുസ്‌ലിയാര്‍, കെ.പി അബ്ദുല്‍ ജബ്ബാര്‍ മുസ്‌ലിയാര്‍ മിത്തബൈല്‍, പി. ഇബ്‌റാഹിം മുസ്‌ലിയാര്‍ വില്ല്യാപ്പള്ളി, ത്വാഖ അഹ്മദ് മൗലവി, യു.എം അബ്ദുറഹ്മാന്‍ മുസ്‌ലിയാര്‍ മൊഗ്രാല്‍, പി. കുഞ്ഞാണി മുസ്‌ലിയാര്‍, കോട്ടുമല മൊയ്തീന്‍ കുട്ടി മുസ്‌ലിയാര്‍, എം.എം മുഹ്‌യുദ്ദീന്‍ മുസ്‌ലിയാര്‍ ആലുവ, എ.വി അബ്ദുറഹ്മാന്‍ മുസ്‌ലിയാര്‍, പി.എസ് ഹൈദ്രോസ് മുസ്‌ലിയാര്‍, ആദൃശ്ശേരി ഹംസക്കുട്ടി മുസ്‌ലിയാര്‍, അബ്ദുല്‍ ഹമീദ് ഫൈസി അമ്പലക്കടവ്, അബ്ദുറഹ്മാന്‍ കല്ലായി, എസ്.കെ ഹംസ ഹാജി, ഖാസിം ദാരിമി കിന്യ, പിണങ്ങോട് അബൂബക്കര്‍, എം.പി തഖിയ്യുദ്ദീന്‍ ഹൈതമി, ഹസൈനാര്‍ ഫൈസി, ടി.എസ് ഇബ്രാഹിം കുട്ടി മുസ്‌ലിയാര്‍, എം.സി മായിന്‍ ഹാജി, ഹംസക്കോയ ചേളാരി, സി.പി ഇഖ്ബാല്‍ അനുസ്മരണ പ്രഭാഷണം നടത്തും. പിന്നീട് നടക്കുന്ന ഖത്തം ദുആക്ക് അത്തിപ്പറ്റ മൊയ്തീന്‍ കുട്ടി മുസ്‌ലിയാര്‍, വാവാട് കുഞ്ഞിക്കോയ മുസ്‌ലിയാര്‍ നേതൃത്വം നല്‍കും. തുടര്‍ന്ന് അന്നദാനവും നടക്കും.