ചെന്നൈ: സംഘര്‍ഷത്തെ തുടര്‍ന്ന് ആര്‍.കെ നഗര്‍ മണ്ഡലത്തില്‍ വോട്ടെണ്ണല്‍ അല്‍പസമയം തടസ്സപ്പെട്ടു. ടി.ടി.വി ദിനകരന്റെ പോളിങ് എജന്റും എ.ഐ.എ.ഡി.എം.കെ പ്രവര്‍ത്തകരും തമ്മിലുള്ള സംഘര്‍ഷത്തെ തുടര്‍ന്ന് വോട്ടെണ്ണല്‍ 15 മിനുട്ടോളം നിര്‍ത്തിവെക്കുകയായിരുന്നു.

ദിനകരന്റെ എജന്റ് തെരഞ്ഞെടുപ്പ് ഉദ്യോഗസ്ഥരെ മര്‍ദിച്ചുവെന്നും എ.ഐ.എ.ഡി.എം.കെ പ്രവര്‍ത്തകര്‍ ആരോപിക്കുന്നു. സംഭവത്തില്‍ മൂന്ന് പേരെ പൊലിസ് കസ്റ്റഡിയിലെടുത്തു.

ചെന്നൈയിലെ ക്യൂന്‍സ് മേരി കോളജിലാണ് ഉപതെരഞ്ഞെടുപ്പിന്റെ വോട്ടെണ്ണല്‍ നടക്കുന്നത്. ആദ്യ റൗണ്ട് വോട്ടെണ്ണലില്‍ ടി.ടി.വി ദിനകരനായിരുന്നു ലീഡ്. എ.ഐ.ഡി.എം.കെയുടെ മധുസൂദനന്‍ രണ്ടാം സ്ഥാനത്തും ഡി.എം.കെ മൂന്നാം സ്ഥാനത്തുമാണ്.