ശ്രീനഗര്‍: ജമ്മു കശ്മിരില്‍ വീണ്ടും പാകിസ്താന്‍ വെടി നിര്‍ത്തല്‍ കരാര്‍ ലംഘിച്ചു. പൂഞ്ച് ജില്ലയിലെ സൈനിക പോസ്റ്റുകള്‍ക്കു നേരെയാണ് പാക് സൈന്യ വെടിവയ്പ്പ് നടത്തിയത്. ഇന്നലെയുണ്ടായ വെടിവയ്പ്പില്‍ നാല് ഇന്ത്യന്‍ സൈനികര്‍ കൊല്ലപ്പെട്ടതിനു പിന്നാലെയാണ് പാകിസ്താന്‍ വീണ്ടും വെടിനിര്‍ത്തല്‍ കരാര്‍ ലംഘിച്ചത്.

ഇന്ന് ഉച്ചയ്ക്ക് 12.55 ഓടെയാണ് വെടിവയ്പ്പ് ഉണ്ടായത്. ഷാപുര്‍ മേഖലയിലെ ഇന്ത്യന്‍ താവളങ്ങള്‍ക്കു നേരെ മോര്‍ട്ടാര്‍ ഉള്‍പ്പെടെയുള്ള ആയുധങ്ങളാണ് പാക് സൈന്യം പ്രയോഗിച്ചതെന്ന് സൈനികവൃത്തങ്ങള്‍ അറിയിച്ചു.വെടിവയ്പ്പ് ഇപ്പോഴും തുടരുകയാണ്.

ഇന്നലെ രജൗറി ജില്ലയിലെ കേരി സെക്ടറില്‍ നടന്ന വെടിവെപ്പില്‍ ഒരു മേജര്‍ അടക്കം നാലുപേര്‍ കൊല്ലപ്പെട്ടിരുന്നു.