കോഴിക്കോട്: പുതിയങ്ങാടി വരക്കല്‍ ശംസുല്‍ ഉലമാ ഇ.കെ.അബൂബക്കര്‍ മുസ്‌ലിയാരുടെ 22-ാം ഉറൂസ് ആയിരങ്ങള്‍ പങ്കെടുത്ത ഖത്തംദുആ സമ്മേളനത്തോടെ സമാപിച്ചു. ഇന്നലെ രാവിലെ നടന്ന ഖത്മുല്‍ ഖുര്‍ആന്‍ സമാപന സമ്മേളനം സമസ്ത കേരള ജമഇയ്യത്തുല്‍ ഉലമാ ട്രഷര്‍ സി.കെ.എം.സ്വാദിഖ് മുസ്‌ലിയാര്‍ ഉദ്ഘാടനം ചെയ്തു. സമസ്ത കേരള ജംഇയ്യത്തുല്‍ ഉലമ ജനറല്‍ സെക്രട്ടറി പ്രൊഫ.കെ.ആലിക്കുട്ടി മുസ്‌ലിയാര്‍ അധ്യക്ഷനായി. ജാമിഅ ദാറുസ്സലാം പ്രിന്‍സിപ്പല്‍ മൂസക്കുട്ടി ഹസ്‌റത്ത് മുഖ്യപ്രഭാഷണം നടത്തി.
എം.ടി. അബ്ദുല്ല മുസ്‌ലിയാര്‍, പി.കെ.പി.അബ്ദുസ്സലാം മുസ്‌ലിയാര്‍, ത്വാഖ അഹ്മദ് മൗലവി തുടങ്ങിയവര്‍ അനുസ്മരണ പ്രഭാഷണം നടത്തി. പി. ഇബ്‌റാഹിം മുസ്‌ലിയാര്‍ വില്യാപ്പള്ളി, പി.കുഞ്ഞാണി മുസ്‌ലിയാര്‍, പി.എസ്.ഹൈദ്രോസ് മുസ്‌ലിയാര്‍, എ.വി. അബ്ദുറഹ്മാന്‍ മുസ്‌ലിയാര്‍, ഉമര്‍ ഫൈസി മുക്കം, ആദൃശ്ശേരി ഹംസക്കുട്ടി മുസ്‌ലിയാര്‍, എം.സി. മായിന്‍ ഹാജി,കെ. മോയിന്‍കുട്ടി മാസ്റ്റര്‍, ഇ.കെ. അബൂബക്കര്‍ മുസ്‌ലിയാര്‍ മൊറയൂര്‍, കെ.ടി.അബ്ദുല്‍ ജലീല്‍ ഫൈസി വെളിമുക്ക്, അബ്ദുല്‍ ഗഫൂര്‍ ഹൈതമി നരിപ്പറ്റ, സി.കെ. മൊയ്തീന്‍ കുട്ടി ഫൈസി പന്തല്ലൂര്‍, ഒളവണ്ണ അബൂബക്കര്‍ ദാരിമി, അബ്ദുറഹ്മാന്‍ കല്ലായി, എസ്.കെ.ഹംസ ഹാജി, കെ.വി. അബ്ദു ഹാജി നന്തി, മരക്കാര്‍ ഹാജി കുറ്റിക്കാട്ടൂര്‍, ഹസൈനാര്‍ ഫൈസി, അശ്‌റഫ് ബാഖവി മാത്തോട്ടം, വി.മുഹമ്മദ് സൈനി, ടി.പി.സുബൈര്‍ മാസ്റ്റര്‍, ഹംസക്കോയ ചേളാരി, എന്‍ജി. മാമുക്കോയ ഹാജി, കെ. ശറഫുദ്ദീന്‍ സൈനി, ഒ.ടി.എം.കുട്ടി സൈനി തുടങ്ങിയവര്‍ പ്രസംഗിച്ചു.
തുടര്‍ന്ന് നടന്ന ഖത്തം ദുആക്ക് വാവാട് കുഞ്ഞിക്കോയ മുസ്‌ലിയാര്‍ നേതൃത്വം നല്‍കി. തുടര്‍ന്ന് അന്നദാനവും നടന്നു. എം.പി. തഖിയ്യുദ്ദീന്‍ ഹൈതമി സ്വാഗതവും സി.പി.ഇഖ്ബാല്‍ നന്ദിയും പറഞ്ഞു.