ലോകത്തിലെ ഏറ്റവും വലിയ സ്‌കൂള്‍ ബാഗ് തൃശൂരില്‍ പ്രദര്‍ശിപ്പിച്ചു. 2009ല്‍ ദുബൈ മാളില്‍ പ്രദര്‍ശിപ്പിച്ച 9.75 അടി ഉയരവും ആറര അടി ഉയരവുമുള്ള സ്‌കൂള്‍ ബാഗിനെ 'കൊച്ചാ'ക്കുന്നതാണ് പുതിയ ബാഗ്. ഒളരിക്കര പുല്ലഴി സ്റ്റാര്‍ലൈറ്റ് ബാഗ്‌സ് സ്ഥാപകന്‍ കെ.ജെ തോമസിന്റെ നേതൃത്വത്തിലാണ് 15 അടി ഉയരവും 13അടി വീതിയുമുള്ള ബാഗ് നിര്‍മിച്ചത്. 60 മീറ്റര്‍ പോളിസ്റ്റര്‍ തുണി, 34 മീറ്ററുള്ള സിപ്, 45 മീറ്ററുള്ള നെറ്റ് എന്നിവ ബാഗിന്റെ നിര്‍മാണത്തിന് ഉപയോഗിച്ചിട്ടുണ്ട്. ഗിന്നസ് റെക്കോര്‍ഡ് നേടുകയാണ് അണിയറയില്‍ പ്രവര്‍ത്തിച്ചവരുടെ ലക്ഷ്യം. ഏഴ് പേര്‍ പത്ത് ദിവസം കൊണ്ടാണ് ബാഗ് സജ്ജമാക്കിയത്. വിജീഷ്, സിജിത്ത് എന്നിവരുടെ നേതൃത്വത്തിലായിരുന്നു നിര്‍മാണം.