തിരുവനന്തപുരം: വിദ്യാഭ്യാസ മേഖലയില്‍ വര്‍ഗീയവത്ക്കരണം അനുവദിക്കില്ലെന്ന് വിദ്യഭ്യാസമന്ത്രി സി. രവീന്ദ്രനാഥ്. വിഷയത്തില്‍ ഡിഡിഇയുടെ റിപ്പോര്‍ട്ട് ചോദിച്ചിട്ടുണ്ടെന്നും റിപ്പോര്‍ട്ട് ലഭിച്ചയുടന്‍ നടപടിയുണ്ടാവുമെന്നും അദ്ദേഹം കൂട്ടിച്ചേര്‍ത്തു.

പാലക്കാട് കര്‍ണകി അമ്മന്‍ സ്‌കൂളില്‍ ആര്‍.എസ്.എസ്. മേധാവി മോഹന്‍ ഭാഗവത് ദേശീയ പതാക ഉയര്‍ത്തിയ സംഭവത്തിലാണ് മന്ത്രിയുടെ പ്രതികരണം. സംഭവത്തില്‍ സ്‌കൂള്‍ അധികൃതര്‍ക്കെതിരെ നടപടിയെടുക്കാന്‍ മുഖ്യമന്ത്രി നിര്‍ദ്ദേശം നല്‍കിയിരുന്നു.