കോഴിക്കോട്: വിദ്യാരംഗം സംസ്ഥാന സര്‍ഗോത്സവം സമാപിച്ചു. മൂന്ന് ദിനങ്ങളായി കോഴിക്കോട് നടക്കാവ് ജി.വി.എച്ച്.എസ്.എസിലാണ് സര്‍ഗോത്സവം അരങ്ങേറിയത്. എ.പ്രദീപ്കുമാര്‍ എം.എല്‍.എ ഉദ്ഘാടനം ചെയ്തു. സര്‍ഗോത്സവത്തിന് സ്‌കൂള്‍ കലോത്സവത്തേക്കാള്‍ പ്രാധാന്യം നല്‍കി മികവുറ്റതാക്കണം. യഥാര്‍ഥ കലാകാരന്മാര്‍ ഉണ്ടാകുന്നത് സര്‍ഗോത്സവങ്ങളിലാണെന്നും അദ്ദേഹം പറഞ്ഞു.
പൊതു വിദ്യാഭ്യാസ ഡയറക്ടര്‍ കെ വി മോഹന്‍കുമാര്‍ അധ്യക്ഷനായി.
വിദ്യാര്‍ഥികള്‍ നിര്‍മിച്ച വാര്‍ത്താതരംഗം ന്യൂസ് പേപ്പര്‍ പൊതു വിദ്യാഭ്യാസ ഡയറക്ടര്‍ കെ.വി മോഹന്‍കുമാറിന് നല്‍കി പ്രദീപ് കുമാര്‍ എം.എല്‍.എ പ്രകാശനം ചെയ്തു.
വിദ്യാരംഗം കലാസാഹിത്യ വേദി സംസ്ഥാന കോര്‍ഡിനേറ്റര്‍ കെ സി അലി ഇക്ബാല്‍, എന്‍ മുരളി, വിദ്യാരംഗം എഡിറ്റോറിയല്‍ ബോര്‍ഡ് അംഗം സുധ മാര്യങ്ങാട് എന്നിവര്‍ സംസാരിച്ചു.