കാഞ്ഞങ്ങാട്: ദുര്‍ഗ ഹയര്‍സെക്കന്‍ഡറി സ്‌കൂളില്‍ സമാപിച്ച പട്ടികവര്‍ഗ സര്‍ഗോത്സവത്തില്‍ 188 പോയിന്റുമായി പരവനടുക്കം എം.ആര്‍.എസ്. എച്ച്.എസ്.എസ് ചാംപ്യന്‍മാരായി. 181 പോയിന്റുമായി കറ്റേല ഡോ.അംബേദ്കര്‍ ഗവ.എം.ആര്‍.എസ്.എച്ച് .എസ്.എസ് രണ്ടാംസ്ഥാനവും ചാലക്കുടി ഗവ.എം.ആര്‍.എസ്. എച്ച്.എസ്.എസും കണിയാംപറ്റ ഗവ.മോഡല്‍ എച്ച്.എസ്.എസും മൂന്നും നാലും സ്ഥാനങ്ങള്‍ നേടി.
കലാപ്രതിഭയായ കണ്ണൂര്‍ പട്ടുവം ജി.എം.ആര്‍.എച്ച്.എസിലെ സുഭാഷ് ചന്ദ്രനും, കലാതിലകമായി പരവനടുക്കം ജി.എം.ആര്‍.എച്ച്.എസ്.എസിലെ ബി.എം.ദീപികയും തെരഞ്ഞെടുക്കപ്പെട്ടു. സമാപന സമ്മേളനം മന്ത്രി ഇ.ചന്ദ്രശേഖരന്‍ ഉദ്ഘാടനം ചെയ്തു.