കൊല്‍ക്കത്ത: പശ്ചിമബംഗാളില്‍ നിന്നുള്ള മുതിര്‍ന്ന ബി.ജെ.പി നേതാവ് തൃണമൂല്‍ കോണ്‍ഗ്രസില്‍ ചേര്‍ന്നു. ബംഗാള്‍ ബി.ജെ.പി ഇന്റലക്ച്വല്‍ സെല്‍ കണ്‍വീനര്‍ ദീപ്താങ്ഷു ചൗധരിയാണ് ബി.ജെ.പിയില്‍ നിന്നു രാജിവച്ച് തൃണമൂലില്‍ ചേര്‍ന്നത്.

2016 ലാണ് കേണല്‍ (റിട്ട.) ബി.ജെ.പിയില്‍ ചേര്‍ന്നത്. കഴിഞ്ഞ നിയമസഭാ തെരഞ്ഞെടുപ്പില്‍ അസനോള്‍ ദക്ഷിണ്‍ മണ്ഡലത്തില്‍ നിന്ന് ബി.ജെ.പിക്കു വേണ്ടി മത്സരിച്ചു.

''വികസനത്തിനു പകരം വിഭാഗീയതും വര്‍ഗീയതയും പ്രോല്‍സാഹിപ്പിക്കുന്ന പാര്‍ട്ടിയില്‍ ഞാന്‍ ചേര്‍ന്നത് തെറ്റായിരുന്നു''- ചൗധരി പറഞ്ഞു.

അതേസമയം, കഴിഞ്ഞ ആറുമാസമായി ചൗധരി പാര്‍ട്ടി പ്രവര്‍ത്തനത്തില്‍ നിന്ന് വിദൂരത്തായിരുന്നുവെന്ന് ബി.ജെ.പി ജനറല്‍ സെക്രട്ടറി സായന്തന്‍ ബാബു പറഞ്ഞു.