കണ്ണൂര്‍ തളിപ്പറമ്പില്‍ വാടക വീട് കേന്ദ്രീകരിച്ച് കഞ്ചാവ് വില്‍പ്പന നടത്തിയ യുവതിയെയും യുവാവിനെയും പോലീസ് അറസ്റ്റ് ചെയ്തു. ഉത്തര്‍പ്രദേശ് സ്വദേശി അബ്ദുല്‍ റഹ്‌മാന്‍ അന്‍സാരിയേയും അസം സ്വദേശി മോനറ ബീഗത്തെയുമാണ് പൊലിസ് അറസ്റ്റ് ചെയ്തത്. പ്രദേശത്തെ ഒരു വാടകവീട്ടില്‍ ദമ്പതികളാണെന്ന വ്യാജേന ഇവര്‍ താമസിച്ചുവരികയായിരുന്നു.

വീട്ടില്‍ നടത്തിയ പരിശോധനയില്‍ ഒന്നേകാല്‍ കിലോ കഞ്ചാവ് പോലീസ് നിന്ന് പിടിച്ചെടുത്തിട്ടുണ്ട്. രാത്രിയില്‍ ഒട്ടേറെപ്പേര്‍ ഇവരുടെ വീട്ടില്‍ വന്നു പോകുന്നത് കണ്ട് സംശയം തോനിയ പരിസരവാസികള്‍ ആണ് വിഷയം പൊലിസിനെ അറിയിക്കുന്നത്. തുടര്‍ന്നാണ് പൊലിസ് സംഘം വീട്ടിലെത്തി പരിശോധിച്ചത്.

എസ്‌ഐ പി.റഫീഖ്, സിപിഓ മാരായ സാജു തോമസ്, ലതിക തുടങ്ങിയവരാണ് അന്വേഷണത്തിന് നേതൃത്വം നല്‍കിയത്. പ്രതികളെ കോടതിയില്‍ ഹാജരാക്കിയശേഷം റിമാന്‍ഡ് ചെയ്തു.