ഗൂഡല്ലൂര്‍: തമിഴ്‌നാട്ടിലെ ഗൂഡല്ലൂരില്‍ മൂന്ന് വയസുകാരനെ പുലി കടിച്ചു കൊന്നു. ഗൂഡല്ലൂരിലെ ദേവാന മാംഗോ വില്ലേജിലാണ് ദാരുണ സംഭവം.
ഝാര്‍ഖണ്ഡ് സ്വദേശികളായ ശിവശങ്കറിന്റേയും മിലന്‍ ദേവിയുടേയും മകന്‍ നാഞ്ചിയാണ് മരിച്ചത്. അങ്കണവാടിയില്‍ നിന്നു വരുന്നതിനിടെ അമ്മയുടെ കൈയില്‍ നിന്നു കുട്ടിയെ പുലി തട്ടിയെടുത്താണ് കടിച്ചു കൊന്നത്.

അതേ സമയം പുലിയുടെ ആക്രമണത്തില്‍ പ്രതിഷേധിച്ച് നാട്ടുകാര്‍ റോഡ് ഉപരോധിച്ചു. നാടുകാടി ചുരം വഴിയുള്ള കേരളത്തിലേക്കുള്ള ഗതാഗതം തടസപ്പെട്ടു. ഗൂഡല്ലൂര്‍, പന്തല്ലൂര്‍ താലൂക്കുകളിലാണ് നാട്ടുകാര്‍ റോഡ് ഉപരോധിക്കുന്നത്. പുലിയുടെ ആക്രമണത്തില്‍ പരിക്കേറ്റ കുട്ടിയെ നാട്ടുകാരും ഫോറസ്റ്റ് ഉദ്യോഗസ്ഥരും കൂടി ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. കുട്ടിയുടെ മൃതദേഹം ആശുപത്രിയില്‍ സൂക്ഷിച്ചിരിക്കുകയാണ്.

അച്ഛന്റെ കൈയില്‍ നിന്നു തട്ടിയെടുത്ത് മൂന്ന് വയസുകാരനെ പുലി കൊന്നു