ഉപഭോക്താക്കള്‍ക്ക് അണ്‍ലിമിറ്റഡ് 5ജി സേവനങ്ങള്‍ സൗജന്യമായി നല്‍കി ഇന്ത്യന്‍ മാര്‍ക്കറ്റില്‍ 5ജിവത്ക്കരണം വ്യാപകമായി നടപ്പാക്കുകയാണ് ജിയോയും എയര്‍ടെല്ലും. ഇതിനാല്‍ തന്നെ നിരവധി പേരാണ് ഇന്ത്യയില്‍ 4ജിയില്‍ നിന്നും 5ജിയിലേക്ക് ചേക്കേറിയിരിക്കുന്നത്. എന്നാല്‍ അണ്‍ലിമിറ്റഡ് 5ജി സേവനങ്ങള്‍ സൗജന്യമായി നല്‍കിവരുന്നത് എയര്‍ടെലും ജിയോയും അവസാനിപ്പിക്കാനൊരുങ്ങുന്നു എന്ന റിപ്പോര്‍ട്ടുകള്‍ പുറത്ത് വരുന്നുണ്ട്.

2024 പകുതിയോടെ 4ജി നിരക്കുകളേക്കാള്‍ അഞ്ചോ പത്തോ ശതമാനം അധികം തുക 5ജി പ്ലാനുകള്‍ക്ക് കമ്പനികള്‍ ഈടാക്കിത്തുടങ്ങിയേക്കുമെന്നും അനലിസ്റ്റുകളെ ഉദ്ധരിച്ച് എക്കോണമിക് ടൈംസ് റിപ്പോര്‍ട്ട് ചെയ്യുന്നു.5ജി അടിസ്ഥാന സൗകര്യ വികസനത്തിനും ഉപഭോക്താക്കളെ ഏറ്റെടുക്കുന്നതിനും ചിലവാക്കിയ തുക തിരിച്ചുപിടിക്കുന്നതിനായി സെപ്റ്റംബറോടെ ജിയോയും എയര്‍ടെലും മൊബൈല്‍ താരിഫ് നിരക്കുകള്‍ 20 ശതമാനത്തോളം വര്‍ധിപ്പിക്കാനിടയുണ്ട്.മറ്റ് രണ്ട് ടെലികോം സേവനദാതാക്കളായ വോഡഫോണ്‍ ഐഡിയയും ബിഎസ്എന്‍എലും ഇതുവരെ 5ജി സേവനങ്ങള്‍ പ്രഖ്യാപിച്ചിട്ടില്ല.

Content Highlights:Airtel Jio May Soon Withdraw Unlimited 5G Data Plan