പാരീസ്: ഫ്രാന്‍സ് ആഭ്യന്തര മന്ത്രി ജെറാള്‍ഡ് ഡാര്‍മാനിനെതിരെ മാനനഷ്ടത്തിന് പരാതി നല്‍കി ഫുട്‌ബോള്‍ താരം കരീം ബെന്‍സെമ. മുസ്‌ലിം സംഘടനകളുമായി കുപ്രസിദ്ധ ബന്ധമുണ്ടെന്ന മന്ത്രിയുടെ ആരോപണത്തിനെതിരെയാണ് മുന്‍ റയല്‍ മാഡ്രിഡ് താരമായ കരിം ബെന്‍സെമ പരാതി നല്‍കിയിരിക്കുന്നത്.

പരാതിയില്‍ തനിക്ക് മുസ്‌ലിം സംഘടനകളായും അതില്‍ അംഗമാണെന്ന് അവകാശപ്പെടുന്നവരുമായും യാതൊരു തരത്തിലുമുള്ള ബന്ധവും അടുപ്പവുമില്ലെന്ന് കരീം ബെന്‍സെമ ചൂണ്ടിക്കാട്ടി. തനിക്കെതിരെയുള്ള പ്രചരണങ്ങള്‍ രാഷ്ട്രീയപരമായി എങ്ങനെയാണ് ഉപയോഗിക്കുന്നതെന്ന് നിരീക്ഷിക്കണമെന്നും കരീം ബെന്‍സെമ ആവശ്യപ്പെട്ടു.

ഇസ്‌റാഈലില്‍ ഹമാസ് പ്രത്യാക്രമണം നടത്തിയതിന് പിന്നാലെ തനിക്കെതിരെ നടക്കുന്ന തെറ്റായ പ്രചാരണങ്ങള്‍ കണ്ടില്ലെന്ന് നടിയ്ക്കാന്‍ കഴിയില്ലെന്ന് താരം പറഞ്ഞു. ജെറാള്‍ഡ് ഡാര്‍മാനിന്റെ പരാമര്‍ശങ്ങള്‍ താരത്തിന്റെ ഭാവി ജീവിതത്തെയും പ്രശസ്തിയെയും ബഹുമാനത്തെയും ബാധിക്കുമെന്ന് അഭിഭാഷകനായ ഹ്യൂഗ്‌സ് വിജിയര്‍ വാര്‍ത്താ ഏജന്‍സിയായ എ.എഫ്.പിയോട് പറഞ്ഞു

ഫ്രാന്‍സിന്റെ മുന്‍ സ്‌ട്രൈക്കറും 2022ലെ ബാലണ്‍ ഡി ഓര്‍ ജേതാവുമായ കരിം ബെന്‍സെമ ഇസ്രഈല്‍ ഉപരോധം ഏര്‍പ്പെടുത്തിയ ഗസയിലെ ഫലസ്തീനികള്‍ക്ക് എക്‌സിലൂടെ ഐക്യദാര്‍ഢ്യം പ്രഖ്യാപിച്ചിരുന്നു. ഇസ്‌റാഈല്‍ അന്യമായി നടത്തിയ ബോംബാക്രമണങ്ങളുടെ ഇരകളാണ് ഫലസ്തീനികളെന്നും ബെന്‍സേമ ചൂണ്ടിക്കാട്ടിയിരുന്നു.

മുസ്‌ലിം സംഘടനകളുമായി കുപ്രസിദ്ധ ബന്ധമെന്ന് ആരോപണം; മന്ത്രിക്കെതിരെ മാനനഷ്ടത്തിന് പരാതിയുമായി കരീം ബെന്‍സെമ