ഇസ്‌റാഈൽ ക്രൂരത തുടരുന്നു; 24 മ​ണി​ക്കൂ​റി​നി​ടെ 142 ഫലസ്തീനികൾ കൂടി കൊല്ലപ്പെട്ടു, തടവിലുള്ളവരോട് കടുത്ത മനുഷ്യാവകാശ ലംഘനം

ഗ​സ്സ സി​റ്റി: ഇസ്‌റാഈൽ സൈന്യം ഫലസ്തീനിലെ സാധാരണക്കാർക്ക് നേരെ നടത്തുന്ന ആക്രമണത്തിൽ 24 മ​ണി​ക്കൂ​റി​നി​ടെ 142 പേ​ർ​കൂ​ടി കൊ​ല്ല​പ്പെ​ട്ടു. 278 പേ​ർക്ക് പ​രി​ക്കേ​ൽ​ക്കു​ക​യും ചെ​യ്തു. ഗ​സ്സ സി​റ്റി​യി​ലെ അ​ൽ ഷി​ഫ ഹോ​സ്പി​റ്റ​ലി​ന് സ​മീ​പ​ത്തെ പാ​ർ​പ്പി​ട സ​മു​ച്ച​യ​ത്തി​ലു​ണ്ടാ​യ വ്യോ​മാ​ക്ര​മ​ണ​ത്തി​ൽ 12 പേ​രും ഖാ​ൻ യൂ​നി​സി​ൽ 10 പേ​രും കൊ​ല്ല​പ്പെ​ട്ടു.

ഇസ്‌റാഈൽ സൈ​ന്യം പ്ര​ദേ​ശ​ത്ത് ആ​ക്ര​മ​ണം തു​ട​രു​ക​യാ​ണ്. ആക്രമണത്തിൽ ഗ​സ്സ​യി​ൽ ഇ​തു​വ​രെ 24,762 പേ​രാ​ണ് കൊ​ല്ല​പ്പെ​ട്ട​ത്. 62,108 പേ​ർ​ക്ക് പ​രിക്കേ​ൽ​ക്കു​ക​യും ചെ​യ്തു. കഴിഞ്ഞ ദിവസം കൊല്ലപ്പെട്ട 29 പേരുടെ മൃ​ത​ദേ​ഹ​ങ്ങ​ൾ ദേ​ർ എ​ൽ ബ​ലാ​ഹി​ലെ അ​ൽ അ​ഖ്സ ആ​ശു​പ​ത്രി​യി​ൽ എ​ത്തി​ച്ചു.

തെ​ക്ക​ൻ ഗ​സ്സ​യി​ൽ ബു​ധ​നാ​ഴ്ച​യു​ണ്ടാ​യ ഏ​റ്റു​മു​ട്ട​ലി​ൽ പ​രി​ക്കേ​റ്റ ഒരു സൈ​നി​ക​ൻ മ​രി​ച്ച​താ​യി ഇസ്‌റാഈൽ അ​റി​യി​ച്ചു. മൂ​ന്ന് സൈ​നി​ക​ർ​ക്ക് പ​രി​ക്കേ​ൽ​ക്കു​ക​യും ചെ​യ്തി​ട്ടു​ണ്ട്. ക​ര​യു​ദ്ധ​ത്തി​ൽ ഇ​തു​വ​രെ 191 ഇസ്‌റാഈൽ സൈ​നി​ക​ർ കൊ​ല്ല​പ്പെ​ട്ട​താ​യി യു.​എ​ൻ അ​റി​യി​ച്ചു. 1178 പേ​ർ​ക്ക് പ​രി​ക്കേ​റ്റു.

അതേസമയം. ഇസ്‌റാഈൽ സൈ​ന്യം ക​സ്റ്റ​ഡി​യി​ലെ​ടു​ക്കു​ന്ന​ ഫലസ്തീനിലെ മനുഷ്യരോട് മോ​ശ​മാ​യാ​ണ് പെ​രു​മാ​റു​ന്ന​തെ​ന്ന് യു.​എ​ൻ മ​നു​ഷ്യാ​വ​കാ​ശ പ്ര​തി​നി​ധി കു​റ്റ​പ്പെ​ടു​ത്തി. കടുത്ത മനുഷ്യാവകാശ ലംഘനമാണ് ഇസ്‌റാഈൽ സൈ​ന്യം നടത്തുന്നത്. സൈന്യം പു​റ​ത്തു​വി​ട്ട വി​ഡി​​യോ​ക​ളി​ൽ അ​ടി​വ​സ്ത്രം മാ​ത്രം ധ​രി​ച്ച ഫ​ല​സ്തീ​ൻ ത​ടവു​കാ​ർ കൊ​ടും​ത​ണു​പ്പി​ൽ ഇ​രി​ക്കു​ന്ന​ത് കാ​ണാം. അ​ജ്ഞാ​ത​മാ​യ കേ​ന്ദ്ര​ങ്ങ​ളി​ൽ 30 മു​ത​ൽ 55 ദി​വ​സം വ​രെ ക​ഴി​ഞ്ഞ ത​ട​വു​കാ​രു​മു​ണ്ടെ​ന്ന് യു.​എ​ൻ മ​നു​ഷ്യാ​വ​കാ​ശ പ്ര​തി​നി​ധി​യാ​യ അ​ജി​ത് സ​ൺ​ഖേ പ​റ​ഞ്ഞു