ഷാര്‍ജ: 'രാഷ്ട്ര രക്ഷക്ക് സൗഹൃദത്തിന്റെ കരുതല്‍' എന്ന പ്രമേയത്തില്‍ എസ്‌കെഎസ്എസ്എഫ് കേരള ഘടകത്തിന്റെ കീഴില്‍ ഇന്ത്യന്‍ റിപ്പബ്‌ളിക് ദിനത്തോടനുബന്ധിച്ച് അറുപതോളം കേന്ദ്രങ്ങളില്‍ നടക്കുന്ന 'മനുഷ്യ ജാലിക 2024' ഷാര്‍ജ ഇന്ത്യന്‍ അസോസിയേഷന്‍ ഹാളില്‍ ഇന്ന് (വ്യാഴം) നടക്കും. 
ഇന്ത്യന്‍ അസോസിയേഷന്‍ പ്രസിഡണ്ട് നിസാര്‍ തളങ്കര ഉദ്ഘാടനം നിര്‍വഹിക്കും. ഷാര്‍ജ എസ്‌കെഎസ്എസ്എഫ് സംസ്ഥാന പ്രസിഡന്റ് അധ്യക്ഷത വഹിക്കും. സുപ്രഭാതം സിഇഒ മുസ്തഫ മാസ്റ്റര്‍ മുണ്ടുപാറ പ്രമേയ പ്രഭാഷണം നടത്തും.
എസ്‌കെഎസ്എസ്എഫ് മുപ്പത്തിയഞ്ചാം വാര്‍ഷികത്തോടനുബന്ധിച്ചുള്ള മുഖദ്ദസ് പ്രഭാഷണം യുഎഇ നാഷണല്‍ എസ്‌കെഎസ്എസ്എഫ് പ്രസിഡന്റ് സയ്യിദ് ശുഐബ് തങ്ങള്‍ നിര്‍വഹിക്കും. ഇന്ത്യന്‍ അസോസിയേഷന്‍ ജനറല്‍ സെക്രട്ടറി ശ്രീപ്രകാശ്, ട്രഷറര്‍ ഷാജി ജോണ്‍, ഷാര്‍ജ കെഎംസിസി പ്രസിഡന്റ് ഹാഷിം നൂഞ്ഞേരി, ഇന്‍കാസ് യുഎഇ പ്രസിഡന്റ് മഹാദേവന്‍ വാഴശ്ശേരില്‍, മാസ് ഷാര്‍ജ ജനറല്‍ സെക്രട്ടറി വാഹിദ് നാട്ടിക,  അഹമ്മദ് സുലൈമാന്‍ ഹാജി, അബ്ദുല്ല ചേലേരി എന്നിവര്‍ പ്രസംഗിക്കും. നാഷണല്‍ എസ്‌കെഎസ്എസ്എഫ് നേതാക്കളായ അബ്ദുറസാഖ് വളാഞ്ചേരി, മൊയ്തു.സി.സി, അഷ്‌റഫ് ദേശമംഗലം, ഇബ്രാഹിം ഒ.കെ, ഫൈസല്‍ പയ്യനാട്, ശാക്കിര്‍ ഫറോക്, ശംസുദ്ദീന്‍ കൈപ്പുറം, സുലൈമാന്‍ ബാവ എന്നിവര്‍ പങ്കെടുക്കും.