തളിപ്പറമ്പ് : പരിയാരം ദേശീയപാതയില്‍ വീണ്ടും ഗ്യാസ് ടാങ്കര്‍ അപകടം. മംഗലാപുരത്തേക്ക് പോകുന്ന ടാങ്കറും ചരക്ക്‌ലോറിയുമാണ് കൂട്ടിയിടിച്ചത്. രണ്ടു വാഹനങ്ങളിലെയും ഡ്രൈവര്‍മാര്‍ക്ക്  പരിക്കേറ്റു. ഒരാളുടെ നില അതീവ ഗുരുതരം. പരുക്കേറ്റവരെ പരിയാരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.

ടാങ്കറില്‍നിന്നും ഗ്യാസ് ലീക്കായെന്ന അഭ്യുഹം പരന്നതോടെ പരിഭ്രാന്തരായ ജനങ്ങള്‍ വീടുകള്‍ വിട്ട് രക്ഷപെടാന്‍ തുടങ്ങി. വ്യാപാരികള്‍ കടകള്‍ അടച്ചും ഓടി രക്ഷപ്പെട്ടു.പൊലിസ് എത്തി ഗ്യാസ് ഇല്ലാത്ത ടാങ്കറാണ് എന്ന് സ്ഥിരീകരിച്ചു. വാട്‌സ് ആപ്പ് ഗ്രുപ്പുകള്‍ വഴി അപകടമില്ലെന്നു അറിയിപ്പ് നല്‍കിയതോടെയാണ് ആശങ്കകള്‍ക്ക് വിരാമമായത്. ഇതുവഴിയുള്ള ഗതാഗതം ഭാഗികമായി തടസപ്പെട്ടിരിക്കുകയാണ്.