കൊല്ലുമെന്ന് ഭീഷണി; റോബിൻ ബസുടമക്കെതിരെ പരാതി നൽകി എംവിഐമാർ

പത്തനംതിട്ട∙ റോബിൻ ബസ് ഉടമ ഗിരീഷിനെതിരെ പരാതിയുമായി രണ്ട് എംവിഐമാർ. തങ്ങളെ കൊല്ലുമെന്ന് ഗിരീഷ് ഭീഷണിപ്പെടുത്തിയെന്ന് കാണിച്ചാണ് പരാതി നൽകിയത്. പത്തനംതിട്ട എസ്‌പിക്കാണ് പരാതി നൽകിയത്. ബസ് പരിശോധിക്കുന്നതിനിടയിൽ ഭീഷണിപ്പെടുത്തിയെന്നാണ് പരാതി.

ഇതിനെത്തുടർന്ന് ഗിരീഷിനെ എസ്പി ഓഫിസിലേക്ക് വിളിച്ചുവരുത്തുകയും പത്തനംതിട്ട പൊലിസ് സ്റ്റേഷനിൽവച്ച് ചോദ്യം ചെയ്യുകയും ചെയ്തു. എന്നാൽ പരാതി വ്യാജമാണെന്നും, കോടതിയിൽ നടക്കുന്ന കേസുകൾക്കുള്ള പ്രതികാര നടപടിയാണിതെന്നും ഗിരീഷ് പറഞ്ഞു.