കേരള മാനേജ്‌മെന്റ് ആപ്റ്റിറ്റിയൂട്ട് ടെസ്റ്റ് (കെ- മാറ്റ്) 2024; അപേക്ഷ സമര്‍പ്പിക്കേണ്ട അവസാന തീയതി നാളെ

തിരുവനന്തപുരം: 2024ലെ എംബിഎ പ്രവേശനത്തിനുള്ള കമ്പ്യൂട്ടര്‍ അധിഷ്ഠിത പ്രവേശന പരീക്ഷയായ കേരള മാനേജ്‌മെന്റ് ആപ്റ്റിറ്റിയൂഡ് ടെസ്റ്റ് (സെക്ഷന്‍- 1) പ്രവേശന പരീക്ഷക്ക് അപേക്ഷ സമര്‍പ്പിക്കാനുള്ള അവസാന തീയതി നാളെ. വിദ്യാര്‍ഥികള്‍ക്ക് ഫെബ്രുവരി 12ന് വൈകീട്ട് മൂന്ന് വരെ ഓണ്‍ലൈനായി അപേക്ഷിക്കാം. www.cee.kerala.gov.in എന്ന വെബ്‌സൈറ്റ് വഴിയാണ് അപേക്ഷിക്കേണ്ടത്. കൂടുതല്‍ വിവരങ്ങള്‍ക്ക് 0471 252 5300 എന്ന നമ്പറില്‍ ബന്ധപ്പെടുക.

അപേക്ഷ സമര്‍പ്പിക്കുന്നതിനായി https://www.cee.kerala.gov.in/kmatonline2024/ സന്ദര്‍ശിക്കുക.

രജിസ്‌ട്രേഷന്‍ ചെയ്തതിന് ശേഷമാണ് ആപ്ലിക്കേഷന്‍ ഫില്‍ ചെയ്യേണ്ടത്. തുടര്‍ന്ന് അപേക്ഷ ഫീസ് നല്‍കി, ഏറ്റവും പുതിയ ഇമേജ് അപ് ലോഡ് ചെയ്യണം. അപേക്ഷ പൂര്‍ത്തിയാക്കിയതിന് ശേഷം അപേക്ഷയുടെ പ്രിന്റൗട്ട് എടുത്ത് സൂക്ഷിക്കണം.