പാപ്പിനിശ്ശേരി: വളപട്ടണം ടൗണ്‍ സ്‌പോര്‍ട്‌സ് ക്ലബിന്റെ നേതൃത്വത്തില്‍ നടന്നുവരുന്ന കുട്ടികള്‍ക്കുള്ള സൗജന്യ ഫുട്‌ബോള്‍ കോച്ചിങ് ക്യാംപിന്റെ ഒന്നാം വാര്‍ഷികവും ക്ലബ് വെബ്‌സൈറ്റ് ഉദ്ഘാടനവും ക്ലബ് ഓഡിറ്റോറിയത്തില്‍ കെ.എം ഷാജി എം.എല്‍.എ നിര്‍വഹിച്ചു. ടി.വി അബ്ദുല്‍മജീദ് ഹാജി അധ്യക്ഷനായി. വളപട്ടണം ഗ്രാമപഞ്ചായത്ത് പ്രസിഡന്റ് എന്‍.പി മനോരമ ഉപഹാരങ്ങള്‍ വിതരണം ചെയ്തു. ബ്ലോക്ക് പഞ്ചായത്ത് അംഗം കെ.വി ഷക്കീല്‍ കുട്ടികള്‍ക്കുള്ള സമ്മാനങ്ങള്‍ വിതരണം ചെയ്തു. വി.പി വമ്പന്‍ മുഖ്യപ്രഭാഷണം നടത്തി. ഷിഹാബുദ്ദീന്‍ വിശിഷ്ടാതിഥിയായി. കോച്ച് എ ജൗഹര്‍, സുബൈര്‍ കണ്ണൂര്‍, ടിബി.സി മഹ്മൂദ് ഹാജി, എളയടത്ത് അശ്‌റഫ്, ടി അബ്ദുറഹിം സംസാരിച്ചു.