കണ്ണൂര്‍: ഐ.ടി മിഷന്‍ ഡയറക്ടറായി സ്ഥലംമാറിപ്പോകുന്ന ജില്ലാ കലക്ടര്‍ പി ബാലകിരണിനു നോര്‍ത്ത് മലബാര്‍ ചേംബര്‍ ഓഫ് കൊമേഴ്‌സിന്റെ നേതൃത്വത്തില്‍ യാത്രയയപ്പ് നല്‍കി. പ്രസിഡന്റ് സുശീല്‍ ആറോണ്‍ അധ്യക്ഷനായി. ജില്ലാ പഞ്ചായത്ത് പ്രസിഡന്റ് കെ.വി സുമേഷ്, ജില്ലാ പൊലിസ് ചീഫ് സഞ്ജയ്കുമാര്‍, ഡെപ്യൂട്ടി മേയര്‍ പി.കെ രാഗേഷ്, കെ സുധാകരന്‍, വെള്ളോറ രാജന്‍, കെ.ടി ശശി, ജി.വി മോഹനന്‍, സി ജയചന്ദ്രന്‍, കെ വിനോദ് നാരായണന്‍ സംസാരിച്ചു. ചേംബറിന്റെ  ഉപഹാരം പ്രസിഡന്റ് സുശീല്‍ ആറോണ്‍ കലക്ടര്‍ക്കു നല്‍കി. സി.വി ദീപക് സ്വാഗതവും സച്ചിന്‍ സൂര്യകാന്ത് നന്ദിയും പറഞ്ഞു.