ന്യൂഡല്‍ഹി: വരാനിരിക്കുന്ന ലോക്‌സഭ ഇലക്ഷനില്‍ ഡല്‍ഹിയില്‍ കോണ്‍ഗ്രസിന് ഒരു സീറ്റ് മാത്രമെ മത്സരിക്കാനായി നല്‍കാനാകൂ, എന്ന് ആം ആദ്മി പാര്‍ട്ടിയുടെ എം.പി സന്ദീപ് പഥക്. കോണ്‍ഗ്രസിന് ഡല്‍ഹിയില്‍ ഒരു സീറ്റ് പോലും ലഭിക്കാന്‍ അര്‍ഹതയില്ലെന്നും എന്നാല്‍ സഖ്യധര്‍മ്മത്തിന്റെ പേരില്‍ ഒരു സീറ്റ് വാഗ്ധാനം ചെയ്യുകയാണെന്നും അദേഹം കൂട്ടിച്ചേര്‍ത്തു.സീറ്റ് വിഭജനത്തെ സംബന്ധിച്ച് ഇരു പാര്‍ട്ടികളും തമ്മില്‍ ചര്‍ച്ചകള്‍ പുരോഗമിക്കുകയാണ്.

''മെറിറ്റ് നോക്കുകയാണെങ്കില്‍, കോണ്‍ഗ്രസ് ഡല്‍ഹിയില്‍ ഒരു സീറ്റ് പോലും അര്‍ഹിക്കുന്നില്ല, എന്നാല്‍ സഖ്യധര്‍മം പരിഗണിച്ചാണ് ഞങ്ങള്‍ അവര്‍ക്ക് ഒരു സീറ്റ് വാഗ്ദാനം ചെയ്യുന്നത്. കോണ്‍ഗ്രസ് ഒരു സീറ്റിലും ആം ആദ്മി പാര്‍ട്ടി ആറ് സീറ്റിലും മത്സരിക്കണമെന്ന് ഞങ്ങള്‍ നിര്‍ദേശിക്കുന്നു. ലോക്‌സഭനിയമസഭ തെരഞ്ഞെടുപ്പുകളില്‍ കോണ്‍ഗ്രസിന് ഡല്‍ഹിയില്‍ ഒരു സീറ്റുമില്ല.

മുനിസിപ്പല്‍ കോര്‍പറേഷന്‍ തെരഞ്ഞെടുപ്പില്‍ 250ല്‍ ഒമ്പത് സീറ്റ് മാത്രമാണ് അവര്‍ക്ക് ലഭിച്ചത്'' സന്ദീപ് പഥക് പറഞ്ഞു.അതേസമയം കഴിഞ്ഞ ലോക്‌സഭ ഇലക്ഷനില്‍ ഡല്‍ഹിയിലെ ഏഴ് സീറ്റുകളിലും വിജയം എ.എ.പിക്കൊപ്പമായിരുന്നു. ഡല്‍ഹിയുടെ അയല്‍ സംസ്ഥാനമായ പഞ്ചാബില്‍ ആംആദ്മിയും കോണ്‍ഗ്രസും ഒറ്റക്കൊറ്റക്കാണ് മത്സരിക്കുന്നത്.