നീലേശ്വരം: നഗരസഭയുടെ നേതൃത്വത്തില്‍ സ്വാതന്ത്ര്യ ദിനാഘോഷത്തിന്റെ ഭാഗമായി സ്വാതന്ത്ര്യ സ്മൃതി യാത്രയും ചരിത്ര സെമിനാറും സംഘടിപ്പിച്ചു. നഗരസഭയ്ക്കു സമീപത്തുള്ള ഗാന്ധി സ്മൃതി മണ്ഡപത്തിലും പാലായി രക്തസാക്ഷി സ്മൃതി മണ്ഡപത്തിലും പുഷ്പാര്‍ച്ചന നടത്തി.  ചരിത്ര സെമിനാര്‍ കേന്ദ്ര സര്‍വകലാശാല വൈസ് ചാന്‍സിലര്‍ ഡോ.ജി ഗോപകുമാര്‍ ഉദ്ഘാടനം ചെയ്തു. ചെയര്‍മാന്‍ പ്രൊഫ.കെ.പി ജയരാജന്‍ അധ്യക്ഷനായി. ഉപാധ്യക്ഷ വി ഗൗരി, സ്ഥിരംസമിതി അധ്യക്ഷരായ പി.പി മുഹമ്മദ്‌റാഫി, എ.കെ കുഞ്ഞികൃഷ്ണന്‍, തോട്ടത്തില്‍ കുഞ്ഞിക്കണ്ണന്‍, പി രാധ, പി.എം സന്ധ്യ, കൗണ്‍സലര്‍മാരായ എറുവാട്ട് മോഹനന്‍, പി.വി രാമചന്ദ്രന്‍, പി ഭാര്‍ഗവി, എം സാജിത, പി പ്രഭാകരന്‍, വി കുട്ട്യന്‍, എന്‍.പി ഹാജറ, എം ദീനദയാല്‍, എന്‍.പി മറിയം ഫാരിഷ, പി കൃഷ്ണപ്രസാദ് സംസാരിച്ചു.
നടുവില്‍ പള്ളി ജമാഅത്ത് കമ്മിറ്റിയുടെ നേതൃത്വത്തില്‍ സ്വാതന്ത്ര്യദിനം ആഘോഷിച്ചു. ജമാഅത്ത് കമ്മിറ്റി പ്രസിഡന്റ് കെ.പി അബ്ദുലത്തീഫ് ഹാജി പതാക ഉയര്‍ത്തി. തൈക്കടപ്പുറം നുസ്‌റത്തുല്‍ ഇസ് ലാം സെക്കന്ററി മദ്‌റസ സുന്നി ബാലവേദിയുടെ നേതൃത്വത്തില്‍ ആഘോഷങ്ങള്‍ നടന്നു. സദര്‍ മുഅല്ലീം അബ്ദുള്‍ റഹ്മാന്‍ മൗലവി പതാക ഉയര്‍ത്തി. കോട്ടപ്പുറം ഇസ് ലാഹുല്‍ ഇസ് ലാം മദ്‌റസയുടെയും എസ്.ബി.വി യൂനിറ്റിന്റെയും നേതൃത്വത്തില്‍ നടന്ന ആഘോഷത്തില്‍ ജമാഅത്ത് പ്രസിഡന്റ് ഇ.കെ കുഞ്ഞബ്ദുല്ല പതാക ഉയര്‍ത്തി. സി.എച്ച്.എം ഷാഫി ഫൈസി ഉദ്ഘാടനം ചെയ്തു. ജനറല്‍ സെക്രട്ടറി ഇ.എം കുട്ടിഹാജി സംസാരിച്ചു. കോട്ടപ്പുറം സി.എച്ച്.എം.കെ.എസ് ജി.വി.എച്ച്.എസ്.എസില്‍ നടന്ന ആഘോഷ പരിപാടിയില്‍ പ്രധാനധ്യാപിക കെ.പി ദിനപ്രഭ പതാക ഉയര്‍ത്തി. പരപ്പ മുസ്‌ലിം ജമാഅത്തും ഹയാത്തുല്‍ ഇസ്‌ലാം മദ്‌റസയും സംഘടിപ്പിച്ച പരിപാടിയില്‍ ജമാഅത്ത് പ്രസിഡന്റ് സി.എം ഇബ്രാഹിം പതാക ഉയര്‍ത്തി. ഖത്തീബ് ഡോ.ഹഫിള് അബ്ദുല്‍മജീദ് അല്‍ഖാസിമി ഉദ്ഘാടനം ചെയ്തു. നെടുങ്കണ്ട ഹയാത്തുല്‍ ഇസ്‌ലാം ജമാഅത്ത് കമ്മിറ്റിയുടെയും പി.ടി.എ കമ്മിറ്റിയുടെയും നേതൃത്വത്തില്‍ നടന്ന ആഘോഷത്തില്‍ പി.ടി.എ. പ്രസിഡന്റ് വി അബ്ദുല്‍ അസീസ്ഹാജി പതാക ഉയര്‍ത്തി.