കൊല്ലത്ത് എന്‍.കെ പ്രേമചന്ദ്രന്‍ യു.ഡി.എഫ് സ്ഥാനാര്‍ഥി

കൊല്ലം: കൊല്ലം ലോക്‌സഭ മണ്ഡലത്തില്‍ എന്‍.കെ. പ്രേമചന്ദ്രന്‍ എം.പി യു.ഡി.എഫ് സ്ഥാനാര്‍ഥിയാകുമെന്ന് ആര്‍.എസ്.പി സംസ്ഥാന സെക്രട്ടറി ഷിബു ബേബി ജോണ്‍ വാര്‍ത്തസമ്മേളനത്തില്‍ അറിയിച്ചു. പാര്‍ട്ടി ഏകകണ്ഠമായാണ് ഇദ്ദേഹത്തെ തെരഞ്ഞെടുത്തത്.

അപവാദ പ്രചാരണങ്ങളെ പ്രേമചന്ദ്രന്‍ അതിജീവിച്ചെന്ന് ഷിബു ബേബി ജോണ്‍ പറഞ്ഞു. ഉയര്‍ന്ന ഭൂരിപക്ഷത്തില്‍ തന്നെ അദ്ദേഹത്തിന് വിജയിക്കാന്‍ സാധിക്കും.

ധാര്‍മികത തൊട്ടുതീണ്ടാത്ത ഭരണമാണ് കേരളത്തിലേത്. ജനാധിപത്യത്തോട് മുഖ്യമന്ത്രി പിണറായി വിജയന് ബഹുമാനമില്ല. മുഖ്യമന്ത്രിയും കുടുംബവും അന്വേഷണത്തെ തടസ്സപ്പെടുത്താന്‍ ശ്രമിക്കുകയാണ്. ഇത് ജനാധിപത്യത്തോടുള്ള വെല്ലുവിളിയാണ്.

ഇത് കണക്കിലെടുത്തുള്ള ജനാവിധിയാണ് വരാനിരിക്കുന്നത്. യു.ഡി.എഫിന് 20 സീറ്റും ജയിക്കാനുള്ള സാഹചര്യമാണ് കേരളത്തിലേതെന്നും ഷിബു ബേബി ജോണ്‍ പറഞ്ഞു.