തിരുവനന്തപുരം: സംസ്ഥാനത്ത് എസ്.എസ്.എല്‍.എസി, ഹയര്‍ സെക്കന്ററി, പൊതുപരീക്ഷകളുമായി ബന്ധപ്പെട്ട വിദ്യാര്‍ത്ഥികളുടെ സമ്മര്‍ദ്ദങ്ങള്‍ ലഘൂകരിക്കാന്‍ പൊതുവിദ്യാഭ്യാസ വകുപ്പിന്റെ വീ ഹെല്‍പ്പ് ടോള്‍ഫ്രീ ടെലിഫോണ്‍ സഹായകേന്ദ്രത്തിന് തുടക്കമായി. രാവിലെ ഏഴ് മുതല്‍ വൈകിട്ട് ഏഴ് വരെ വിദ്യാര്‍ത്ഥികള്‍ക്കും രക്ഷിതാക്കള്‍ക്കും ഫോണില്‍ കൗണ്‍സിലിങ് സഹായം നല്‍കുമെന്ന് മന്ത്രി വി.ശിവന്‍കുട്ടി അറിയിച്ചു.

1800 425 2844 എന്ന നമ്പറിലാണ് കൗണ്‍സിലിങ് ആവശ്യമുള്ളവര്‍ ബന്ധപ്പെടേണ്ടത്.ഹയര്‍സെക്കന്‍ഡറി വിഭാഗത്തിന് കീഴിലുള്ള കരിയര്‍ ഗൈഡന്‍സ് ആന്‍ഡ് അഡോളസെന്റ് കൗണ്‍സലിങ് സെല്ലിന്റെ നേതൃത്വത്തിലാണ് സംവിധാനം ഒരുക്കിയത്?. ടോള്‍ഫ്രീ സേവനം പരീക്ഷ അവസാനിക്കുന്നതുവരെ എല്ലാപ്രവൃത്തി ദിനങ്ങളിലും ലഭ്യമാകും. നിംഹാന്‍സ് ബംഗളൂരുവില്‍നിന്ന് പരിശീലനം ലഭിച്ച സൗഹൃദ കോഓഡിനേറ്റര്‍മാരാണ് കൗണ്‍സലിങ്ങിന് നേതൃത്വം നല്‍കുന്നത്.