ദുബൈ: ഗസല്‍ ചക്രവര്‍ത്തി പങ്കജ് ഉദാസിനെ അനുസ്മരിച്ച് പ്രവാസ ലോകവും. ദുബൈയിലെ കലാ, സാഹിത്യ, സാമൂഹിക, സംസ്‌കാരിക ഇടം കൂടിയായ ഇസിഎച്ച് ഡിജിറ്റല്‍ ആസ്ഥാനത്ത് ഒരുക്കിയ മൗന പ്രാര്‍ത്ഥനയില്‍ പങ്കജ് ഉദാസിന്റെ ആരാധകരും സംഗീത പ്രേമികളും ഒത്തുചേര്‍ന്നു. ഹിന്ദുസ്ഥാനി ഗാന ശാഖക്കും ഗസല്‍ സംഗീതത്തിനും പങ്കജ് നല്‍കിയ മികച്ച സംഭാവനകളെ യോഗം ഓര്‍ത്തെടുത്തു. 'സമ്മിലൂനി ഫെയിം' ഫര്‍സാന അരുണ്‍ പങ്കജ് ഉദാസിന്റെ തെരഞ്ഞെടുക്കപ്പെട്ട മികച്ച ഗാനങ്ങള്‍ ആലപിച്ചു. ചടങ്ങില്‍ ഇസിഎച്ച് ഡിജിറ്റല്‍ സിഇഒ ഇഖ്ബാല്‍ മാര്‍കോണി, ഫോകസ് മാള്‍ സിഇഒ സലാം, മാപ്പിളപ്പാട്ട് ഗവേഷകന്‍ ഫൈസല്‍ എളേറ്റില്‍, നവാസ് കച്ചേരി, അഡ്വ. ശറഫുദ്ദീന്‍, മജീദ് ഗ്‌ളോബല്‍ വിംങ്‌സ്, ഷെഫീല്‍ കണ്ണൂര്‍, സാബിത് കൂറ്റനാട് സംസാരിച്ചു.