സഊദിയില്‍ ട്രെയിന്‍ യാത്രക്കാരുടെ എണ്ണത്തില്‍ റെക്കോര്‍ഡ് വര്‍ധനവ്

കഴിഞ്ഞ വര്‍ഷം സഊദിയില്‍ ട്രെയിന്‍ യാത്രക്കാരുടെ എണ്ണത്തില്‍ റെക്കോര്‍ഡ് വര്‍ധനവെന്ന് സൗദി ഗതാഗത മന്ത്രി സ്വാലിഹ് അല്‍ജാസിര്‍ വെളിപ്പെടുത്തി. നിരവധി സംരഭങ്ങളിലൂടെയും പദ്ധതികളിലൂടെയും റെയില്‍വേ മേഖല വികസനത്തിന്റെ പാതയിലാണ്. അന്താരാഷ്ട്ര മാനദണ്ഡങ്ങള്‍ക്കനുസൃതമായി സൗദി റെയില്‍വേയിലും സംവിധാനങ്ങളൊരുക്കുമെന്നും മന്ത്രി പറഞ്ഞു.

2023ല്‍ യാത്രക്കാരുടെ എണ്ണത്തിലും ചരക്ക നീക്കത്തിലും വലിയ വളര്‍ച്ച നേടാന്‍ റെയില്‍വേക്ക് കഴിഞ്ഞിട്ടുണ്ടെന്നാണ് കണക്ക്കൂട്ടല്‍.

റെയില്‍വേ ഗുണഭോക്താക്കളുടെ എണ്ണം ഒരു കോടി പന്ത്രണ്ട് ലക്ഷമായി ഉയര്‍ന്നപ്പോള്‍ ചരക്ക് നീക്കം 24.7 ദശലക്ഷം ടണ്ണായി വര്‍ധിച്ചതായി വാര്‍ഷികവലോകന റിപ്പോര്‍ട്ട് പറയുന്നു. രാജ്യത്ത് നടപ്പിലാക്കി വരുന്ന സമഗ്രമായ സാംസ്‌കാരിക നവോഥാനത്തിന് അനുസൃതമായി റെയില്‍വേയും മാറുകയാണ്.