കടല്‍ക്ഷോഭം: തിരുവനന്തപുരം വലിയതുറ കടല്‍പാലം രണ്ടായി പിളര്‍ന്നു

തിരുവനന്തപുരം: വലിയതുറയില്‍ കടല്‍പാലം രണ്ടായി പിളര്‍ന്നു. ഇന്ന് പുലര്‍ച്ചെയാണ് പാലം തകര്‍ന്ന നിലയില്‍ കണ്ടെത്തിയത്. കടല്‍ക്ഷോഭത്തിലാണ് തകര്‍ന്നതെന്നാണ് പൊലീസ് അറിയിക്കുന്നത്. പാലം ഏറെ നാളായി അപകടാവസ്ഥയിലായിരുന്നു.

1825 ലായിരുന്നു ആദ്യത്തെ ഉരുക്കുപാലം നിര്‍മിച്ചത്. ഇത് 1947ല്‍ എം.വി. പണ്ഡിറ്റ് എന്ന കപ്പലിടിച്ച് തകര്‍ന്നു. അപകടത്തില്‍ നിരവധിപേര്‍ മരിക്കുകയും ചെയ്തിരുന്നു. 1959ലാണ് പാലം പുര്‍നിര്‍മിച്ചത്. രണ്ട് വര്‍ഷം മുമ്പ് പാലത്തിന്റെ കവാടം തിരയടിയില്‍ വളഞ്ഞിരുന്നു.