പൊന്നാനി: വെളിയങ്കോട് ടൗണ്‍ ഇസ്‌ലാമിക് സെന്ററിന്റെ ദശവാര്‍ഷിക ആഘോഷങ്ങള്‍ക്ക് തുടക്കമായി. സമസ്ത മുശാവറ മെമ്പര്‍ എം.എം ഉസ്താദ് ആലുവ ഉദ്ഘാടനം ചെയ്തു. വര്‍ക്കിങ് പ്രസിഡന്റ് സി അബൂബക്കര്‍ ഫൈസി അധ്യക്ഷനായി. സമസ്ത പൊതുപരീക്ഷാ റാങ്ക് ജേതാക്കള്‍ക്ക് ഉപഹാരസമര്‍പ്പണം സയ്യിദ് മുത്തുമോന്‍ തങ്ങള്‍ നിര്‍വഹിച്ചു.
മികച്ച മുഅല്ലിമിനുള്ള അവാര്‍ഡ് എസ്.വൈ.എസ് മണ്ഡലം സെക്രട്ടറി അബ്ദുറസാഖ് പുത്തന്‍പള്ളി ഏറ്റുവാങ്ങി. മജ്‌ലിസുന്നൂര്‍ സദസ്സിന് അബ്ദുറസാഖ് പൊന്നാനി, മുജീബ്‌റഹ്മാന്‍ യമാനി, ബാദുഷ ബാഖവി, ഫഖ്‌റുദീന്‍ അഹ്‌സനി, നാസര്‍ മുസ്‌ലിയാര്‍  നേതൃത്വം നല്‍കി. കെ മുബാറക് മൗലവി, എന്‍.കെ മാമുണ്ണി, ടി.വി.സി അലി, വി.എം യൂസുഫ്, സി.എ ജബ്ബാര്‍, ടി.പി മുസ്തഫ ചെന്നൈ, എന്‍.പി മൊയ്തുട്ടി ഹാജി, പി.പി സലാം, ജഅഫര്‍ അയ്യോട്ടിച്ചിറ, നിസാര്‍ ദാരിമി, വി.കെ ഹുസൈന്‍ സംസാരിച്ചു.