കോട്ടക്കല്‍: പെരുമണ്ണക്ലാരി ഗ്രാമപഞ്ചായത്തിലെ ജലനിധി പദ്ധതിയുടെ ഭാഗമായി രൂപീകരിച്ച ശുദ്ധജല വിതരണ സൊസൈറ്റിയുടെ ഓഫിസ് പി.കെ അബ്ദുറബ്ബ് എം.എല്‍.എ ഉദ്ഘാടനം ചെയ്തു.  
പദ്ധതി നിര്‍വഹണഘട്ടത്തില്‍ തന്നെ സ്‌കീം ലെവല്‍ കമ്മിറ്റിക്ക് വേണ്ടി  ഓഫിസ് പ്രവര്‍ത്തനം ആരംഭിക്കുന്നത് കേരളത്തില്‍ ആദ്യമാണ്. ജില്ലാ പഞ്ചായത്ത് പ്രസിഡന്റ് എ.പി. ഉണ്ണികൃഷ്ണന്‍, ലോകബാങ്ക് ടീം ലീഡര്‍  ശ്രീനിവാസന്‍ എന്നിവര്‍ മുഖ്യാതിഥികളായിരുന്നു.
ബ്ലോക്ക് അംഗവും കമ്മിറ്റി പ്രസിഡന്റുമായ സി.കെ.എ റസാഖ്, ഗ്രാമപഞ്ചായത്ത് പ്രസിഡന്റ് ഫാത്തിമ പൊതുവത്ത്, വൈസ് പ്രസിഡന്റ് സി.കെ.എ ജബ്ബാര്‍, ജലനിധി കണ്‍വീനര്‍ മുസ്തഫ പൊതുവത്ത്, ജലനിധി ഡയറക്ടര്‍ അബ്ദുല്‍ ലത്തീഫ്, അമിത് രമണന്‍ സംസാരിച്ചു.