വഴിക്കടവ്: വഴിക്കടവ് മുതല്‍ നാടുകാണി വരെയുള്ള ചുരം മേഖലയിലെ പ്ലാസ്റ്റിക് മാലിന്യങ്ങള്‍ യൂത്ത് ഹോസ്റ്റല്‍സ് അസോസിയേഷന്‍ പ്രവര്‍ത്തകര്‍ നീക്കം ചെയ്തു. നീക്കം ചെയ്ത മാലിന്യം സംസ്‌കരിക്കുന്നതിനായി വഴിക്കടവ് പഞ്ചായത്ത് അധികൃതരെ ഏല്‍പ്പിച്ചു. ചുരത്തില്‍ മാലിന്യം തള്ളുന്നവരെ കണ്ടെത്തി നടപടിയെടുക്കുന്നതിനു കാമറ സംവിധാനം ഏര്‍പ്പെടുത്തണമെന്ന് അസോസിയേഷന്‍ ആവശ്യപ്പെട്ടു. ശുചീകരണത്തില്‍ ഉദ്ഘാടനം വഴിക്കടവ് എസ്.ഐ കെ.ബി ഹരികൃഷ്ണന്‍ നിര്‍വഹിച്ചു. സെക്ഷന്‍ ഫോറസ്റ്റ് ഓഫിസര്‍ കെ.ടി ആന്റണി, അസോസിയേഷന്‍ ജില്ലാ പ്രസിഡന്റ് പറമ്പാട്ട് ഷാഹുല്‍ ഹമീദ്, സെക്രട്ടറി അബ്ദുറഹ്മാന്‍, എം. അബൂബക്കര്‍, യൂസഫ് തൈക്കാടന്‍, കെ. മധുസൂദനന്‍, സുനില്‍ തിരുവാലി, ജോയ്, ഫൈസല്‍ നേത്യത്വം നല്‍കി.