ചങ്ങരംകുളം: സംസ്ഥാനപാതയിലെ വളയംകുളത്തെ മാങ്കുളം അസ്സബാഹ് കോളജിലെ വിദ്യാര്‍ഥികള്‍ ശുചീകരിച്ചു. വര്‍ഷങ്ങളായി മാലിന്യത്തില്‍ നിറഞ്ഞ് കിടന്നിരുന്ന ആലംങ്കോട് പഞ്ചായത്തിലെ പൊതുകുളമാണ് കോളജിലെ എന്‍.എസ്.എസ് യൂനിറ്റ് വളണ്ടിയര്‍മാര്‍ ശുചീകരിച്ചത്. കുറച്ച് വര്‍ഷങ്ങള്‍ക്ക് മുമ്പ് നിരവധി പേര്‍ വിവിധ ആവശ്യങ്ങള്‍ക്കായി ഉപയോഗിച്ചിരുന്ന കുളമായിരുന്നു ഇത്.
രണ്ടുദിവസമായി നടക്കുന്ന ശുചീകരണ പ്രവൃത്തിയില്‍ അധ്യാപകരും വിദ്യാര്‍ത്ഥികളും സജീവമായി പങ്കാളിയായി. കുളത്തിന്റെ പലഭാഗങ്ങളും തകര്‍ന്ന് കൊണ്ടിരിക്കുന്നതിനാല്‍ കുളത്തിന് ചുറ്റുമതില്‍ കെട്ടണമെന്ന ആവശ്യം വിദ്യാര്‍ഥികള്‍ മുന്നോട്ടുവച്ചു.
പ്രദേശത്തെ നിരവധി മേഖലയില്‍ നിറസാന്നിധ്യമാണ് അസ്സബാഹ് കോളജിലെ വിദ്യാര്‍ഥികള്‍. കുറച്ച് ദിവസങ്ങള്‍ക്ക് മുമ്പ് സംസ്ഥാനപാതയിലെ ഡിവൈഡറുകള്‍ സ്ഥാപിക്കാനും വിദ്യാര്‍ഥികള്‍ രംഗത്ത് വന്നിരുന്നു.