കല്‍പ്പറ്റ: പിണങ്ങോട് ഹയര്‍ സെക്കന്‍ഡറി സ്‌കൂള്‍ എന്‍.എസ്.എസ്. വിദ്യാര്‍ഥികളുടെ 'കൂടൊരുക്കാനൊരു കൂട്ടായ്മ' പദ്ധതിയുടെ ഭാഗമായി നിര്‍മിച്ച വീട് കൈമാറുന്നു.
ഇന്ന് വൈകീട്ട് മൂന്നിന് സ്‌കൂള്‍ ഓഡിറ്റോറിയത്തില്‍ നടക്കുന്ന പരിപാടിയില്‍ വീടിന്റെ താക്കോല്‍ ദാനം സി.കെ ശശീന്ദ്രന്‍ എം.എല്‍.എ നിര്‍വഹിക്കും. സ്‌കൂളിലെ എന്‍.എസ്.എസ് യൂനിറ്റ് അംഗങ്ങളാണ് രക്ഷാകര്‍ത്താക്കളുടെയും നാട്ടുകാരുടെയും അധ്യാപകരുടെയും സഹായത്തോടെ മൂരിക്കാപ്പ് താമസിക്കുന്ന സ്‌കൂളിലെ പാവപ്പെട്ട വിദ്യാര്‍ഥിക്ക് വീട് നിര്‍മിച്ച് നല്‍കിയത്. എട്ട് ലക്ഷത്തോളം രൂപയാണ് ഇതിനായി ചെലവഴിച്ചത്. പരിപാടിയില്‍ ഡബ്ലു.എം.ഒ പ്രസിഡന്റ് കെ.കെ അഹമ്മദ് ഹാജി, സെക്രട്ടറി എം.എ മുഹമ്മദ് ജമാല്‍, വെങ്ങപ്പള്ളി പഞ്ചായത്ത് പ്രസിഡന്റ് പി.എം നാസര്‍, കോഴിക്കോട് ആര്‍.ഡി.ഡി ഗോകുല്‍ കൃഷ്ണന്‍, മായന്‍ മണിമ, പനന്തറ മുഹമ്മദ്, ടി ജോസഫ്, ഗഫൂര്‍ പുനത്തില്‍, ശ്രീജ സന്തോഷ് തുടങ്ങിയവര്‍ പങ്കെടുക്കും. വാര്‍ത്താസമ്മേളനത്തില്‍ ഹയര്‍ സെക്കന്‍ഡറി പ്രിന്‍സിപ്പല്‍ താജ്മ മന്‍സൂര്‍, പി.ടിഎ പ്രസിഡന്റ് കെ.കെ ഹനീഫ, ടി മൂജീബ്, തെറ്റത്ത്  അബ്ദുല്‍ മജീദ് എന്നിവര്‍ പങ്കെടുത്തു.