കഴക്കൂട്ടം: കാര്‍ഷിക മേഖലയെ ഇല്ലായ്മ ചെയ്യുന്ന നഗരസഭാ മാസ്റ്റര്‍ പ്ലാന്‍ റദ്ദാക്കണമെന്ന്  അഖിലേന്ത്യാ കിസാന്‍ സഭാ തിരുവനന്തപുരം ജില്ലാ പ്രസിഡന്റ് അഡ്വ. രജു വേണുഗോപാലന്‍ നായര്‍ ആവശ്യപ്പെട്ടു.
കിസാന്‍ സഭാ കഴക്കൂട്ടം മണ്ഡലം സമ്മേളനം ഉത്ഘാടനം ചെയ്യുകയായിരുന്നു അദ്ദേഹം.  കാര്‍ഷിക മേഖലയിലെ കര്‍ഷകരുടെ പ്രശ്‌നങ്ങള്‍ക്ക്  ഉള്ള പരിഹാരം കേന്ദ്ര സംസ്ഥാന സര്‍ക്കാരുകള്‍ വേഗത്തില്‍ നടപ്പാക്കണമെന്നും അദ്ദേഹം ആവശ്യപ്പെട്ടു.
കിസാന്‍ സഭാ ജില്ലാ അസി. സെക്രട്ടറി കാവല്ലൂര്‍ കൃഷ്ണന്‍ നായര്‍, കെ. നിര്‍മ്മലകുമാര്‍, ചന്തവിള മധു, സി. ശ്യാമളന്‍, കെ. ശിവദാസന്‍, എന്‍. വാസുദേവന്‍ പിള്ള എന്നിവര്‍ പ്രസംഗിച്ചു.
പാങ്ങപ്പാറ മോഹനന്‍ നായര്‍ പ്രസിഡന്റായും, പി.വി. സജിത് കുമാറിനെ സെക്രട്ടറിയായും സമ്മേളനം തെരഞ്ഞെടുത്തു.