ചണ്ഡീഗഡ്
പഞ്ചാബിൽ നിയമസഭാ തെരഞ്ഞെടുപ്പ് നടക്കാനിരിക്കേ കോൺഗ്രസ് എം.എൽ.എ ബി.ജെ.പി ഓഫിസിൽ. മോഗയിൽ നിന്നുള്ള നിയമസഭാംഗമായ ഹർജോത് കമലാണ് ഇന്നലെ ബി.ജെ.പി ഓഫിസിലെത്തിയത്. പിന്നാലെ അദ്ദേഹം ബി.ജെ.പിയിൽ ചേരുകയും ചെയ്തു.
ഹർജോത് കമൽ മത്സരിച്ചിരുന്ന മോഗ സീറ്റ് ഇത്തവണ കോൺഗ്രസ് നടൻ സോനുസൂദിന്റെ സഹോദരി മാളവിക സൂദിനു നൽകിയിരുന്നു.
ഇതിൽ നേരത്തേതന്നെ ഹർജോത് കമൽ നീരസം പ്രകടിപ്പിച്ച് രംഗത്തെത്തിയിരുന്നു. ഇന്നലെ പഞ്ചാബിൽ കോൺഗ്രസിന്റെ ആദ്യ സ്ഥാനാർഥിപ്പട്ടിക പുറത്തുവന്നതിനു പിന്നാലെയാണ് അദ്ദേഹം ചണ്ഡീഗഡിലെ ബി.ജെ.പി ആസ്ഥാനത്തെത്തിയത്. അദ്ദേഹം ബി.ജെ.പി നേതാക്കളിൽനിന്ന് സ്വീകരണം ഏറ്റുവാങ്ങുന്നതിന്റെ ദൃശ്യങ്ങൾ പുറത്തുവന്നതിനു പിന്നാലെയാണ് പാർട്ടിയിൽ ചേർന്നതായി സ്ഥിരീകരണം വന്നത്.
സോനുസൂദിന്റെ സഹോദരി മാളവിക് സൂദ് ഈയിടെയാണ് കോൺഗ്രസിൽ ചേർന്നത്.