ഉമ്മന്‍ചാണ്ടി നയിക്കുന്ന 10 അംഗ സമിതിയെ പ്രഖ്യാപിച്ചു
ന്യൂഡല്‍ഹി: ഉമ്മന്‍ചാണ്ടിയുടെ നേതൃത്വത്തില്‍ തെരഞ്ഞെടുപ്പ് മേല്‍നോട്ട സമിതിയെ പ്രഖ്യാപിച്ചു. 10 പേര്‍ അടങ്ങുന്നതാണ് സമിതി. കെ.പി.സി.സി അധ്യക്ഷന്‍ മുല്ലപ്പള്ളി രാമചന്ദ്രന്‍, പ്രതിപക്ഷ നോതാവ് രമേശ് ചെന്നിത്തല, കെ.സി വേണുഗോപാല്‍, താരിഖ് അന്‍വര്‍, കെ. മുരളീധരന്‍, വി.എം സുധീര്‍, കൊടിക്കുന്നില്‍ സുരേഷ്, കെ. സുധാകരന്‍, ശശി തരൂര്‍ എന്നിവര്‍ അടങ്ങുന്നതാണ് സമിതി. അതേസമയം യു.ഡി.എഫ് കണ്‍വീനര്‍ എം.എം ഹസനെ ഒഴിവാക്കി. സോണിയാ ഗാന്ധിയുടെ നേതൃത്വത്തില്‍ ഡല്‍ഹിയില്‍ ചേര്‍ന്ന യോഗത്തിലാണ് സമിതിയെ പ്രഖ്യാപിച്ചത്. നിയമസഭാ തെരഞ്ഞെടുപ്പ് തന്ത്രങ്ങള്‍ മെനയുക പത്തംഗ സംഘമായിരിക്കും.