ലഖ്‌നോ: ഉത്തര്‍പ്രദേശ് ലജിസ്ലേറ്റീവ് കൗണ്‍സില്‍ ചിത്ര ഗാലറിയില്‍ സവര്‍ക്കറുടെ ചിത്രം. സംഭവത്തില്‍ പ്രതിഷേധവുമായി കോണ്‍ഗ്രസ് നേതാക്കള്‍ രംഗത്തെത്തി. ചിത്ര നീക്കണമെന്നാവശ്യപ്പെട്ട് ചെയര്‍മാന് കത്തയച്ചുവെന്ന് കോണ്‍ഗ്രസ് എം.എല്‍.സി ദീപക് സിങ് പറഞ്ഞു.

ചൊവ്വാഴ്ച മുഖ്യമന്ത്രി യോഗി ആദിത്യനാഥാണ് ചിത്രം ഉദ്ഘാടനം ചെയ്തത്.

സ്വാതന്ത്ര്യസമര പോരാളികള്‍ക്കൊപ്പം സവര്‍ക്കറുടെ ചിത്രം വച്ചത് പോരാളികളെ അപമാനിക്കലാണെന്നും ഉടനെ മാറ്റണമെന്നും കത്തില്‍ ദീപക് സിങ് ആവശ്യപ്പെട്ടു. ചിത്രം കൗണ്‍സില്‍ ഗാലറിയില്‍ നിന്ന് എടുത്തുമാറ്റി ബി.ജെ.പി പാര്‍ലമെന്ററി ഓഫിസില്‍ വയ്ക്കണമെന്നും അദ്ദേഹം ആവശ്യപ്പെട്ടു.

സംഭവം അന്വേഷിച്ച് വേണ്ട നടപടിയെടുക്കാന്‍ കൗണ്‍സില്‍ പ്രിന്‍സിപ്പല്‍ സെക്രട്ടറിക്ക് ചെയര്‍മാന്‍ നിര്‍ദേശം നല്‍കിയതായും ദീപക് സിങ് പറഞ്ഞു.