ലഖ്‌നൗ
അയോധ്യയിൽ മത്സരിക്കാത്തത് യോഗിക്ക് നല്ലതെന്ന് അയോധ്യ രാമക്ഷേത്രം മുഖ്യപൂജാരി. അയോധ്യയിൽ യോഗി ആദിത്യനാഥിന് എതിർപ്പുകളുണ്ടെന്നും ആചാര്യ സത്യേന്ദ്രദാസ് പറഞ്ഞു. രാമക്ഷേത്രത്തിന്റെ അടിസ്ഥാന സൗകര്യവികസനത്തിന് അയോധ്യയിൽ നിരവധി വീടുകളും കടകളും തകർക്കപ്പെട്ടിട്ടുണ്ട്.
അതിനാൽ അയോധ്യക്കാർക്ക് യോഗിയോട് എതിർപ്പുണ്ട്. അയോധ്യയിൽ മത്സരിക്കരുതെന്ന് താൻ നേരത്തെ യോഗിയെ ഉപദേശിച്ചിരുന്നുവെന്നും ഗോരഖ്പൂരിൽ മത്സരിക്കുന്നതാണ് നല്ലതെന്നും അദ്ദേഹം പറഞ്ഞു.