കൊച്ചി: കൊതുക് ശല്യം സഹിക്കാനാവാതെ കൊച്ചി കോര്‍പ്പറേഷനെതിരെ ഫേസ്ബുക്ക് പോസ്റ്റുമായി നടന്‍ വിനയ് ഫോര്‍ട്ട്. ഇതുവരെയും പരിഹരിക്കാതെ പോയ ഗുരുതര പ്രശ്‌നം. ഞങ്ങളെ രക്ഷിക്കൂ' - എന്ന ക്യാപ്ഷനോടെയാണ് കൊതുക് ശല്യത്തെ കുറിച്ച് വിനയ് ഫോര്‍ട്ട് പോസ്റ്റ് ചെയ്തിരക്കുന്നത്.

ജനങ്ങള്‍ ഉറങ്ങാത്ത കൊച്ചി, ഉറങ്ങുന്ന കൊച്ചിന്‍ കോര്‍പ്പറേഷന്‍, അധികാരികള്‍ കണ്ണ് തുറക്കുക എന്ന കാര്‍ഡും താരം ഫേസ്ബുക്കില്‍ പങ്കുവച്ചു. കൊച്ചിയില്‍ കൊതുക് ശല്യം രൂക്ഷമായി തുടരുമ്പോഴും കോര്‍പ്പറേഷന്‍ യാതൊന്നും ചെയ്യുന്നില്ലെന്ന ആരോപണം പരക്കെ ഉയരുന്നുണ്ട്.