ഇടുക്കി: മുഖ്യമന്ത്രിയുടെ പരിപാടിയില്‍ ക്ഷണിക്കാതെ എത്തിയ കെ.പി.സി.സി അംഗത്തെ അറസ്റ്റ് ചെയ്തു നീക്കി. കെ.പി.സി.സി അംഗം സി.പി മാത്യുവാണ് അറസ്റ്റിലായത്.

കേരള പര്യടനത്തിന്റെ ഭാഗമായി തൊടുപുഴയിലെ സ്വകാര്യ റിസോര്‍ട്ടിലായിരുന്നു മുഖ്യമന്ത്രി എത്തിയത്. ക്ഷണിക്കപ്പെട്ടവര്‍ക്ക് മാത്രമായിരുന്നു പരിപാടിയിലേക്ക് ക്ഷണമുണ്ടായിരുന്നത്.ഇതിനിടെ കെ.പി.സി.സി അംഗം റിസോർട്ടിൽ എത്തി മാധ്യമങ്ങളോട് സംസാരിക്കാൻ ശ്രമിച്ചു. ഉടൻ പൊലീസ് എത്തി അറസ്റ്റുചെയ്ത് നീക്കുകയായിരുന്നു.

പട്ടയ പ്രശ്‌നങ്ങള്‍ ഉള്‍പ്പടെ ഇടുക്കിയിലെ ജനങ്ങളുടെ പരാതി അറിയിക്കാനാണ് താന്‍ മുഖ്യമന്ത്രിയെ കാണാന്‍ എത്തിയതെന്ന് മാത്യു മാധ്യമങ്ങളോട് പറഞ്ഞു.