റിയാദ്: സഊദിയിൽ ട്രക്ക് മറിഞ്ഞു മലയാളി മരണപ്പെട്ടു. അബഹയിലുണ്ടായ അപകടത്തിൽ പുനലൂര്‍ സ്വദേശി അഷ്‌റഫ് (54) ആണ് മരിച്ചത്.  റിയാദില്‍ നിന്ന് സ്റ്റേഷനറി സാധനങ്ങളുമായി വന്ന ട്രക്ക് അബഹ ചുരത്തിനു താഴെ കൊക്കയിലേക്ക് മറിഞ്ഞാണ്  അപകടം. ചൊവ്വാഴ്ച ഉച്ചക്ക് മൂന്ന് മണിയോടെയാണ് സംഭവം. സ്ഥലത്തെത്തിയ റെഡ്‌ക്രോസും ആഭ്യന്തര സുരക്ഷാ വിഭാഗങ്ങളും അഷ്‌റഫിനെ പുറത്തെടുത്ത് ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.

    25 വര്‍ഷമായി സഊദിയിലുള്ള അഷ്‌റഫ് രണ്ട് വര്‍ഷം മുമ്പാണ് നാട്ടില്‍ പോയി വന്നത്. മൂത്ത മകളുടെ വിവാഹം ഈയിടെയാണ് കഴിഞ്ഞത്. പുനലൂര്‍ കാരിയറ മുളമൂട്ടില്‍ സ്വദേശി സുബൈദാ ബീവി- ഉസ്മാന്‍ കണ്ണ് റാവുത്തര്‍ ദമ്പതികളുടെ മകനാണ്. ഭാര്യ: റജീന. കുന്നിക്കോട്. മക്കള്‍: അന്‍സി, അജ്മി. മൃതദേഹം അബഹ ജനറല്‍ ആശുപത്രി മോര്‍ച്ചറിയിൽ സൂക്ഷിച്ചിരിക്കുകയാണ്