കൊല്ലം: ഓച്ചിറയിലെ കയർ ഫാക്ടറിയിൽ  ഉണ്ടായ തീപിടിത്തത്തെ തുടർന്ന് വാഹനം അടക്കം ഫാക്ടറി പൂര്‍ണമായും കത്തി നശിച്ചു. അരക്കോടിയിലേറെ രൂപയുടെ നാശനഷ്ടമുള്ളതായാണ് പ്രാഥമിക വിലയിരുത്തൽ. ആലുംപീടികയിലെ ഓച്ചിറ നിവാസ് കയർ ഫാക്ടറിക്കാണ് തീപിടിച്ചത്. അപകടത്തിന്‍റെ കാരണം വ്യക്തമല്ല. ഇന്നലെ രാത്രി 11 ഓടെയായിരുന്നു സംഭവം. ഫാക്ടറിയും ഫാക്ടറി വളപ്പിൽ ലോഡ് കയറ്റിയിട്ടിരുന്ന വാഹനവും പൂർണമായും കത്തിനശിച്ചു.

കായംകുളം, ഓച്ചിറ നിലയങ്ങളിലെ അഗ്നിശമന സേനകളും നാട്ടുകാരും പൊലീസും മണിക്കൂറിലേറെ പരിശ്രമിച്ച് ഇന്ന് പുലർച്ചെ 5.30ഓടെ തീ അണച്ചു.