ന്യൂഡൽഹി
രാജ്യത്തെ നഗരങ്ങൾ ആസൂത്രണം ചെയ്യുന്നതിന് ഉന്നതതല സമിതി രൂപീകരിക്കുമെന്ന് ബജറ്റ്. നഗരമേഖലയിലെ നയങ്ങൾ, ശേഷി വർധിപ്പിക്കൽ, ആസൂത്രണം, നടപ്പാക്കൽ, ഭരണം എന്നിവയെക്കുറിച്ച് ശുപാർശകൾ നൽകുന്നതിന് പ്രശസ്തരായ നഗരാസൂത്രകരുടെയും സാമ്പത്തിക വിദഗ്ധരുടെയും ഉന്നതതല സമിതിയാണ് രൂപീകരിക്കുക. സ്വാതന്ത്ര്യത്തിനു 100 വർഷമാകുമ്പോൾ രാജ്യത്തെ ജനസംഖ്യയുടെ പകുതിയോളം താമസിക്കുന്നത് നഗരപ്രദേശങ്ങളിലായിരിക്കാൻ സാധ്യതയുണ്ട്. അതിനാൽ നഗരാസൂത്രണം നിലവിലുള്ളത് പോലെ തുടരാനാവില്ലെന്ന് ധനമന്ത്രി പറഞ്ഞു.