കാസര്‍ക്കോട്: പാണക്കാട് തങ്ങളുടെ വീട്ടില്‍ ആരൊക്കൊ വരുന്നുവെന്ന് നോക്കി സി.പി.എം അവിടെ ഗേറ്റില്‍ വന്നിരിക്കേണ്ട എന്ന് ലീഗ് നേതാവ് പി.കെ കുഞ്ഞാലിക്കുട്ടി. യു.ഡി.എഫ് തെരഞ്ഞെടുപ്പ് പ്രചാരണത്തിന് തുടക്കം കുറിച്ചുള്ള പ്രതിപക്ഷ നേതാവിന്റെ ഐശ്വര്യകേരളയാത്രയുടെ ഉദ്ഘാടനചടങ്ങിലാണ് കുഞ്ഞാലിക്കുട്ടിയുടെ മറുപടി.
'പാണക്കാട് തങ്ങളെ വീട്ടില്‍ ആരൊക്കൊ വരുന്നുവെന്ന് നോക്കി അവിടെ ഗേറ്റില്‍ വന്നിരിക്കേണ്ട എന്ത് ആവശ്യമാണ് സി.പി.എമ്മിനുള്ളത്. പാണക്കാട്ടെ മതസൗഹാര്‍ദത്തിന്റെ ചരിത്രമറിയാതെ വര്‍ഗീയത പ്രചരപ്പിച്ചാല്‍ കേരളത്തില്‍ ചെലവാവില്ലെന്നും കുഞ്ഞാലിക്കുട്ടി പറഞ്ഞു.

ബി.ജെ.പിയെ തടയാന്‍ ഇന്ത്യ മുഴുവന്‍ ശ്രമിക്കുന്നുവെന്ന് പറയുന്ന നിങ്ങള്‍ ബി.ജെ.പി പറയുന്ന അതേവര്‍ത്തമാനം 'തത്തമേ പൂച്ച പൂച്ച' എന്നപോലെ ആവര്‍ത്തിക്കുകയാണെന്നും കുഞ്ഞാലിക്കുട്ടി പറഞ്ഞു.