ന്യൂഡല്‍ഹി: കേന്ദ്രസര്‍ക്കാരാണ് കര്‍ഷകസമരം അന്താരാഷ്ട്രതലത്തില്‍ ചര്‍ച്ചയാവുന്ന തരത്തില്‍ വഷളാക്കിയതെന്ന് വിമര്‍ശിച്ച് പ്രമുഖ ഡിസൈനറായ ഫറാഖാന്‍ അലി.
നമ്മുടെ രാജ്യത്തെ പ്രശ്‌നങ്ങളില്‍ മറ്റു രാജ്യങ്ങളിലന്‍നിന്നുള്ള ജനങ്ങള്‍ അഭിപ്രായപ്രകടനം നടത്തുന്നുണ്ടെങ്കില്‍ അതിനു കാരണം കേന്ദ്രസര്‍ക്കാര്‍ പ്രശ്‌നത്തിനു പരിഹാരം കാണാത്തതു കൊണ്ടാണ്. മറ്റു രാജ്യങ്ങളെകുറിച്ചും ഭരണകൂടങ്ങളെകുറിച്ചും അഭിപ്രായം പറയാന്‍ മടികാണിക്കാത്ത നമ്മള്‍ ഒരു അന്താരാഷ്ട്ര സെലിബ്രിറ്റി നിലപാട് പറയുമ്പോള്‍ അസ്വസ്ഥാരാവുന്നത് എന്തിനാണെന്നും ഫറാ ഖാന്‍ അലി ട്വീറ്റ് ചെയ്തു.