മക്ക: വിശുദ്ധ മക്കയിൽ കനത്ത മഴ. ഗ്രാൻഡ് പള്ളിയും ചുറ്റുമുള്ള പ്രദേശങ്ങളിലും സാമാന്യം നല്ല മഴ തന്നെയാണ് ലഭിച്ചത്. വെള്ളിയാഴ്ച മഴക്കിടെ ആത്മീയ അന്തരീക്ഷത്തിൽ തീർത്ഥാടകർ ഉംറയുടെ അനുഷ്ഠാനങ്ങൾ നടത്തുകയും മത്വാഫിൽ പ്രാർത്ഥിക്കുകയും ചെയ്യുന്നത് വീഡിയോകളിൽ കാണാനാകും. 

     മക്കയുൾപ്പെടെ രാജ്യത്തെ വിവിധ ഭാഗങ്ങളിൽ കാലവസ്ഥാ വ്യതിയാനവും മഴയും ഉണ്ടാകുമെന്നും കാലാവസ്ഥ നിരീക്ഷണ കേന്ദ്രം നേരത്തെ മുന്നറിയിപ്പ് നൽകിയിരുന്നു.

   മുന്നറിയിപ്പിനെ തുടർന്ന് തായിഫിനെ മക്കയുമായി ബന്ധിപ്പിച്ചുള്ള അൽഹദ ചുരം റോഡ് താത്കാലികമായി അടച്ചു. അപകട സാധ്യതയെ തുടർന്നാണ് ഇരു ഭാഗത്ത് നിന്നുമുള്ള വാഹന ഗതാഗതം നിർത്താൻ റോഡ് സുരക്ഷ സ്പെഷ്യൽ ഫോഴ്‌സ് വിഭാഗം തീരുമാനമെടുത്തത്.

വീഡിയോ

[video width="640" height="360" mp4="https://suprabhaatham.com/wp-content/uploads/2021/02/2021_02_05_17_27_04_jNEGFf41OPvzL0DS.mp4"][/video]