ബംഗളുരു: വിദ്യാർഥികൾ മതത്തിന് അതീതമായി ചിന്തിക്കണമെന്ന് കർണ്ണാടക ആഭ്യന്തര മന്ത്രി അരഗ ജ്ഞാനേന്ദ്ര. യൂണിഫോം സമത്വത്തിന്റെ പ്രതീകമാണെന്നും സമത്വസംസ്കാരമാണ് വിദ്യാഭ്യാസ സ്ഥാപനങ്ങളിൽ നിന്ന് ഉണ്ടാകേണ്ടതെന്നും മന്ത്രി അഭിപ്രായപ്പെട്ടു. കർണാടകയിലെ ഉഡുപ്പി കുന്ദാപൂർ ജൂനിയർ കോളേജിലെ ഹിജാബ്-കാവി ഷാൾ തർക്കത്തിൽ സർക്കാർ ഉത്തരവിൽ മത വ്യത്യാസമില്ലെന്നും ഹിജാബും കാവി ഷാളും ധരിച്ചെത്തുന്ന വിദ്യാർഥികളെ ഒരുപോലെ കോളജിൽ പ്രവേശിപ്പിക്കില്ലെന്നും അദ്ദേഹം വ്യക്തമാക്കി.