കൊച്ചി: ശബരിമലയുടെ വിഷയത്തില്‍ ഇരു മുന്നണികളും ജനങ്ങളെ കബളിപ്പിക്കുകയാണെന്ന് ബിജെപി സംസ്ഥാന അധ്യക്ഷന്‍ കെ സുരേന്ദ്രന്‍. നിയമസഭാ തെരഞ്ഞെടുപ്പില്‍ ശബരിമല വിഷയം പ്രധാന തെരഞ്ഞെടുപ്പ് വിഷയമാണെന്നും സുരേന്ദ്രന്‍. ബിജെപിയുടെ രാഷ്ട്രീയ അജണ്ടയെ ഇരുമുന്നണികളും സ്വീകരിക്കുന്നു. രാഹുല്‍ഗാന്ധിയുടെ നയം ശബരിമലയില്‍ വിശ്വാസികള്‍ക്ക് എതിരായിരുന്നെങ്കില്‍ യുഡിഎഫ് ഇപ്പോള്‍ നിയമം കൊണ്ടുവരുമെന്നാണ് പറയുന്നതെന്നും കെ സുരേന്ദ്രന്‍ പറഞ്ഞു.
ഒരു കോണ്‍ഗ്രസുകാരനെതിരേ പോലും ശബരിമല സമരത്തില്‍ കേസുണ്ടായിട്ടില്ല. സമരം ചെയ്തതും സര്‍ക്കാരിനെ മുട്ടുമടക്കിപ്പിച്ചതും ബിജെപിയാണ്. ജനിക്കുമ്പോള്‍ എല്ലാവരും ഹിന്ദുക്കളാണെന്ന് പറയുന്നത് സ്വാഗതാര്‍ഹമാണ്. വിശ്വാസികളെ കാണാതെ പോകാനാവില്ല എന്നാണ് പുതിയ നിലപാട് എങ്കില്‍ ശബരിമല കേസുകള്‍ മുഖ്യമന്ത്രി പിന്‍വലിക്കണം. ശബരിമല നിലപാട് തെറ്റായിപ്പൊയെന്ന് അദ്ദേഹം പറയണമെന്നും കെ സുരേന്ദ്രന്‍ പറഞ്ഞു.
കേരളത്തില്‍ ഭക്ഷണത്തെ വരെ വര്‍ഗീയവത്കരിക്കുകയാണെന്നാണ് സുരേന്ദ്രന്‍ പറയുന്നത്. ആദ്യം വസ്ത്രത്തിലായിരുന്നു മതവത്കരണമെങ്കില്‍ ഹലാല്‍ ഭക്ഷണശാലകളാണിപ്പോള്‍. ഹലാല്‍ ഭക്ഷണം മതതീവ്രവാദികളുടേതാണെന്ന് പറഞ്ഞ സുരേന്ദ്രന്‍ എന്താണ് ഇക്കാര്യത്തില്‍ എല്‍ഡിഎഫ് യുഡിഎഫ് നിലപാടെന്നും ചോദിച്ചു.
ന്യൂനപക്ഷങ്ങള്‍ക്ക് കൂടുതല്‍ പദ്ധതികളും വികസനുവും കൊടുക്കുന്നു. അതില്‍ തന്നെ മുസ്്‌ലിം സമുദായത്തിന് അനര്‍ഹമായി കൊടുക്കുമ്പോള്‍ ക്രിസ്തീയ സമുദായത്തിന് കിട്ടുന്നില്ല. ഇക്കാര്യത്തില്‍ ഇടതുവലത് നിലപാടെന്താണെന്നും കെ സുരേന്ദ്രന്‍ ചോദിച്ചു.